係2014年2月14日，即係偉大嘅情人節當日! 香港仔為左VW BUS，簡直係冒住生命危險，我竟然掉低左女朋友寶寶係香港，飛左去曼谷參加一個一年一次嘅VW 車壇盛事-- SIAM VW FESTIVAL!! 其實我係2013年已經好想去! 不過甘岩我阿哥結婚，要去飲，所以去唔成! 相隔左一年，我TIGER CRAB冒住生命危險我都要去咖啦! 呢個SIAM VW FESTIVAL 有咩甘勁? 呢個FESTIVAL 係由呢個泰國大叔做搞手，係咩人我就唔知，但肯定係一個勁人! https://www.facebook.com/sukhum.phunsiri?fref=ts 因為呢個車SHOW係泰國成個VW 界最矚目嘅FESTIVAL! 唔單只勁到成個泰國嘅VW 車都會一齊齊集係呢個地方! 連附近國家，好似馬來西亞、印尼等等既VW FANS 都會揸架車過來一齊參展! 而呢個SHOW，就連泰皇同泰國政府旅遊局都支持! 我點知? 一陣話你聽!! 呢個車SHOW 既FACEBOOK PAGE : https://www.facebook.com/SiamVWfestival 2014年2月15日就係呢個SHOW 嘅大日子! 呢D甘勁既SHOW，我就梗係要痴住VW BUS 界勁人P.ATT 啦! 講得勁人，就梗係有份參展啦! 但因為我唔知其實個SHOW 係幾點開始，我好緊張甘約左P.ATT 中午12點係BTS Mo Chit 站對出條街度等… 點知，我等到天荒地老P.ATT 都未到… 我話晒都冒住生命危險、不顧一切甘黎呢個車SHOW 咖嘛!! 我唔會去唔到呀嘛!!! 我忍唔住就搵佢啦!! 原來今次唔止佢一個人去既!除左我同P.ATT, 仲有P.BIG同由印尼過來既一家3口! 佢地途中有架車壞左，搞左好耐先過到來接我… 可能我真係太黑，搞到P.ATT 架車都壞左… 最後，佢地竟然掉低左P.BIG 係條街到等拖車!!XDD 講開P.BIG, 我就真係忍唔住要講件爆笑事出來，話說我上次已經見左P.BIG 一次，仲一齊飲過啤酒吹過水… 但我今次再見到佢… 我竟然叫左佢做P.SMALL.. 因為佢真人係好細粒，我硬係覺得佢應該叫P.SMALL…當然我個刻我就超級尷尬，從此之後… 我就終於記得佢叫P.BIG… 甘因為有架車壞左，我地就歡樂滿東華咁，將所有野放晒上一架車，再加我地甘多個人… 實在係好迫… 而P.BIG 亦因為甘，搞完晒D野去到會場，都已經係3個幾4個鐘後嘅事啦… 我地就坐P.ATT 另外架車出發去車SHOW 啦! 同印尼哥哥傾下計，原來佢係印尼車會既大佬級人馬! 年年都會突登由印尼過黎曼谷參加! 今年我相信我都會見到佢! 個會場係一個叫WONDER WORLD FUN PARK既地方，大約離曼谷市中心35分鐘車程啦!又姑高咗個地圖大家參考下… 一去到遠遠都見一個拱門，我地入場嘅時候，已經見到好多車友揸著D 車一個跟一個甘排隊穿過呢個拱門入場! 嘩!!! 個情況就好似行紅地毯入去奧斯卡!! 好興奮呀!!! 點擊圖片放大 +3 至於入場嘅車方面，講得係VW FESTIVAL，所有TYPE 1, TYPE 2, TYPE 3 甚至TYPE 14 既車種你都可以係呢到見到!即係大家好熟悉嘅甲虫啦，VW VAN 啦，仲有香港比較少人留意既COMPACT車仔同Karmann Ghia! 點擊圖片放大 +3 唔明唔緊要，有時間可以睇一睇下面偉大嘅維基: Type 1: http://en.wikipedia.org/wiki/Volkswagen_Beetle Type 2: http://en.wikipedia.org/wiki/Volkswagen_Type_2 Type 3: http://en.wikipedia.org/wiki/Volkswagen_Type_3 Type 14: http://en.wikipedia.org/wiki/Volkswagen_Karmann_Ghia 因為俾壞車事件所阻撓，我地去到既時候已經係差唔多3 點，有好多好多車已經已晒，對於我呢個未見過世面嘅鄉下仔，簡直個心情抗奮到一個地步係唔知點形容! 即係唔可以用興奮來形容甘簡單，直頭要用感動去形容! 點擊圖片放大 +7 個場地十分之大，分為幾PART，主要係根據唔同車種而分開!! 另外再分賣唔賣野! P.ATT 既車位就係屬於賣野既一邊，仲近著個表演舞台! (但我竟然唔記得幫P.ATT 影相...) 點擊圖片放大 +2 而唔賣野既就主要係草地上面，D車友就會自己係個度吹水同玩! 安頓好，我就梗係自己去行下啦!!一入到去最注目既就係有幾架VW BUS圍晒繩，仲有專人係度打理! 行埋D 一睇! 原來呢D全部都係THE KING 泰皇借出來參展嘅車!! 佢地有幾靚就真係唔駛多講啦! 阿大叔勁到泰皇都會借車出黎，先係最令人敬佩既事! 點擊圖片放大 而我呢刻都終於明白點解泰國呢個地方VW 可以咁盛行，原本連全泰國都一樣敬愛嘅泰皇都係VW BUS FANS! 我都忍唔住想大叫一聲LONG LIVE THE KING!!!! 而且呢個SHOW 係泰國政府旅遊局 OFFICIAL 支持項目，你地睇下，佢地自己都有架車係呢度咖! 大家仲記唔記得買芒果糯米飯俾我食嘅阿YO 呀? (唔記得可睇返呢篇: 搵車篇-2013年6月曼谷中集 https://blog.ulifestyle.com.hk/blogger/fishballhongkong/?p=2174462) 佢地個車會BURAPHA 當然都有份參展啦!! 但係因為阿YO 出左TRIP 參加唔到，所以佢叫左我去搵佢另一個朋友，話佢會照顧我! (你地睇下，泰國人真係好好咖….)我去到BURAPHA 個邊，就見到佢個朋友，仲見到MASTER FAT 添! 佢地仲介紹左好多唔同既人俾我識! 佢地就無賣野，係草地個面玩! 後生仔就真係唔同D，去到夜晚既時候，佢地仲將2架TRUCK 尾貼尾甘放埋一齊，變左個舞台自己玩!! 好有型!! 其他既車都真係靚到不得了: 點擊圖片放大 +17 再周圍行下，你就會發現，差不多所有有關VOLKSWAGEN 既鋪頭都會有來擺檔! 所以基本上所有你想搵既零件都可以係呢度搵到! 點擊圖片放大 而P.ATT 今次擺檔係賣玩具，跟得佢入黎，就梗係要幫手啦! 根據香港仔個三呎厚面皮同無敵既身體語言，我梗係成為佢既TOP SALES 啦!! P.ATT 表示相當滿意!!下面既就係其他車友賣既野啦： 點擊圖片放大 +4 唔知你地對泰國既明星有無認識，我就只識一個… MARIO MAURER，因為我女朋友寶寶睇完一套泰國電影 THE LOVE OF SIAM 之後就好迷戀佢啦… 即係之前拍 <<嚇鬼阿嫂>> 果個男主角… 無啦啦做咩講起佢? 因為佢係VW既FANS，自己有架BEETLE! 我本身都留意唔到佢，但突然間見到有個人都幾靚仔有型既人，踩著架單車飛過，望多兩眼，甘似我被迫成日睇既MARIO 既… 個刻我都唔敢同寶寶講，相都影唔到張… 點知，我又再係會場見到佢，我今次醒啦!! 問左人確定左佢堅係MARIO 之後，梗係同佢影張合照送俾佢FANS 做情人節禮物啦! 話晒我都掉低左佢係香港，仲見到佢偶像呀嘛!! 點知，佢見到呢個合照就表現得異常葡萄… 好彩佢係香港，而我係曼谷同MARIO 一齊，唔係應該會一把刀飛埋黎殺死我! 嘩哈哈哈哈~~~~~~~~~~ 相又影完，玩具又賣完，P.ATT 夜晚就帶左我出去玩啦! 仲又介紹左好多勁人俾我識!! 對於我之後係呢度生活都好有幫助! 點擊圖片放大 +8 其實去完呢個車SHOW，面對住一班對古董車充滿住熱誠既車友，再加上成個甘熱鬧既氣氛，香港仔成個人都變得好熱血，令我好強烈地想係下一屆既車SHOW，唔再係以一個參觀者嘅身份，而係要擁有一架VW BUS 一齊參展!! 我好想好想成為佢地既一份子!! 亦因為呢股熱血，就成為左我香港仔要係泰國流浪嘅契機! 再加上不停係泰國遇到嘅好人好事，同NACHO 既故仔，再俾我成功遇上魚旦，女朋友、屋企人同朋友既支持! 就引發同實現左我呢個夢!! 而家，仲加上有你地一班魚旦粉日日陪我發夢，今個星期六- 3月7日!!! 我將會帶埋魚旦，係今年嘅SIAM VW VESTIVAL 參展! 仲會帶埋魚旦粉幫我設計既魚旦LOGO! 向夢想出發!!!!!!!!!!! *********************************************************************************** 記得LIKE 埋我FACEBOOK PAGE, 緊貼魚旦同我呢個香港仔嘅流浪之旅~~ https://www.facebook.com/fishballhongkong
