返到香港，仍然好興奮，一唸到9 月可以買到部占卡就真係想go through 一下！甘我就緊係拿拿臨買機票，平得一蚊得一蚊呀嘛！ 點知... 係我心理同生理乜叉野理都準備好既時候，個天又跌左落來... 之前都講過，車主唔識英文，所以呢個同我講野既當然唔係佢本人啦... 點擊圖片放大 情況就係甘既，明明就講晒價錢，又飛埋過去睇車，所以車主都知我係香港人同想買架車返香港... 返左香港之後，車主突然改變主意。問我肯出幾多錢... 話之前傾果個價係泰國人限定，外國人唔係呢個價！ 當我反駁話我朋友問咗三次，而且當日我係烏他啦跌時佢已經知我係香港過來，佢就話想架車留係泰國... 我收到呢個消息就梗係晴天霹靂啦... 我準備好咖啦嘛！而且，錢方面我真係得甘多，佢加價我真係付擔唔到... 係極限失落又憤怒嘅情況之下，我即刻同P.Att 講啦，點知P.Att 嘅答案令我更愕然... 原來P.Att 一早就知... 但唔知點同我講，因為佢覺得我好鍾意... 佢話唸住我同個車主見面時，個車主會同我傾... 點知... 唉.... 佢問我係咪好鍾意架車，佢話如果要運離開泰國，個車主要加好多錢... 甘我係好鍾意，但我真係無錢... P.Att 就話，不如佢幫我再係曼谷搵下其他車啦... 去到呢刻，我隱約感覺到P. Att 都唔係太贊成我買呢架車... 雖然我都仲係好失落，但唸唸下，其實大部分VW bus 車主都係愛車之人，每架VW bus 亦都用左好多心機同時間去維修... 如果我係果個車主，知道架車會去左無雷公甘遠，可能一世都唔知佢會點，都會唔捨得... 所以個刻我縱使幾無奈都好，我都接受嘅呢個事實... 但... 事隔左一陣，P. Att 就腥左條link 俾我睇... 架車賣左去曼谷... 個新買家加左成10萬銖係網上放售！ 頂... 真係「這些機會不屬於我...」轉一轉手人地又賺10萬... 唉，希望佢嘅新主人會愛錫佢，同佢開開心心生活下去啦.... 4777 ~~~~再見啦~~~~ *********************************************************************************** 記得LIKE 埋我FACEBOOK PAGE, 緊貼魚旦同我呢個香港仔嘅流浪之旅~~ https://www.facebook.com/fishballhongkong
