今次嚟到海港城試試新開張冇耐嘅一間明星店，鋪面平平無奇，但估唔到裏面都幾靚，食完之後店員仲同我哋講出面可以打卡，有個大大月亮，仲俾我哋見到兩個美女 龔嘉欣同譚凱琪點擊圖片放大 +3 呢間餐廳食物選擇好多，無論係中式，西式，日式定泰式都有，甜品亦都精緻又款式多，真係睇到我心大心細唔知食咩好，啱晒同平時挑剔嘅朋友食飯，唔使遷就，可以食到唔同嘅菜式但可惜我哋晚上去有啲菜式已經太好賣沽清🥲🥲黃金炸點心拼盤點心拼盤賣相好精緻，一式四款春卷，鹹水角，流沙奶黃波波，炸雲吞每樣都好香脆，食落味道同平時飲茶嘅冇咩分別點擊圖片放大 +3 三重拖羅吞拿手卷坐低已經好想叫既no.1出奇地喺香港第一次食到好新鮮嘅拖羅，佢嘅拖羅真係充滿日本海嘅味道🥰🥰而且拖羅同吞拿魚嘅份量都唔少，係我大愛❤️ 燒A5和牛蛋黃丼賣相睇落麻麻地，估佢唔到食落絕對唔後悔，由和牛去到飯都好好味😋和牛食落肉汁量多，脂肪量豐富但又唔會over米飯配搭拌勻咗嘅蛋和牛一齊食融合為一體，米飯軟熟唔會乾亦都唔會過濕，可以話喺香港暫時食過頭幾好食嘅和牛丼 雞蛋仔火鍋特別想要嘅原因係覺得好精緻平日就咁食嘅雞蛋仔就食得多，可以好似打邊爐咁樣食就真係第一次，佢嘅吉士醬同雞蛋仔都幾夾，除咗雞蛋仔，仲有棉花糖，士多啤梨同埋布朗尼都可以點吉士醬一齊食，味道都算唔錯點擊圖片放大 +3 綠茶脆皮梳乎厘呢個脆皮疏乎厘唔似平時我哋食嘅中式疏乎厘，似係平時食梳乎厘班戟既感覺，好大個而且佢嘅綠茶脆皮增添左成個甜品嘅層次感，好好食😋 黑糖豆腐花抹茶拿鐵 濃郁嘅黑糖味道但唔會好甜，仲會飲到豆腐花，雙重嘅口感，抹茶味又唔會過分濃郁，幾適合我呢啲唔係太鍾意飲苦澀抹茶嘅味 蜜桃珍珠搖搖茶沙冰好香嘅蜜桃味，估佢唔到真係咁粉紅，冇圖只供參考，除咗有珍珠佢仲有蒟蒻，雖然係蜜桃但係唔會好甜，都係飲品唔錯嘅選擇 唯一我覺得有待改善嘅係佢哋嘅服務，大部份店員都唔錯既，但有個別員工真係令我地失望🙃
