呢間係香港既韓國菜我已經食過幾次，佢係韓國人打理，食既味道都比較正宗 除左落單後會附上6款前菜小食之外，仲有煎雞蛋餅 前菜有泡菜，薯仔，沙律，芽菜，蘿蔔紅蘿蔔絲同芥菜 我心心掛住韓國既醬油蟹，要係到叫返一隻過下引 醬油蟹&牛油飯 $250嚟到嘅時候忍唔住嘩一聲😍🦀🍚超級多膏，然後超級大碗嘅飯🍙平時唔鍾意食飯嘅我點解會好開心係因為佢呢個係勁多紫菜嘅牛油飯店員會幫我撈勻啲紫菜飯，真係超級多紫菜，撈勻左之後佢會放返落隻蟹，真係超多膏勁爆好食😋點擊圖片放大 +3 50cm長韓式雞蛋卷 $158🥚🥚黎到嘅時候第一句竟然係聽到隔離枱話本身想叫你個雞蛋卷，但太大份食唔曬 然後我就開始覺得自己有少少過分，人哋四個人都食唔晒我哋兩個人竟然叫呢個🤣佢呢個同平時韓式雞蛋卷有啲唔一樣，分別在於平時食嘅多數都係雞蛋而且好厚實，佢呢度嘅雞蛋卷係薄薄既雞蛋入面卷住生菜同泡菜粒，食落去唔會咁膩而係雞蛋卷頂會加左沙律醬木魚絲，食落似大阪燒或者章魚燒嘅感覺，幾唔錯 兩個人食唔晒，剩低嘅外賣盒帶走，好似完全冇郁過咁，成盒上🤣🤣蜂窩五花腩 $150🐷餐牌推介，而我覺得韓燒一定要食五花腩佢嘅五花腩肥瘦均勻，唔會話超肥，咬落去好Juice由於係店員幫我燒，全個過程我都好享受😎如果驚油膩可以配落生菜一齊食🥬點擊圖片放大 牛五花肉 $150開頭睇餐牌覺得應該係普通嘅牛，而且呢個價錢份量應該唔會好多嚟到又係俾佢嚇一驚，竟然分量咁多最為驚喜嘅係睇落個樣普通，點知食落好出色油脂好豐富，好好食但係偏油既，所以建議點佢旁邊嘅洋蔥汁，會冇咁油膩，又或者配生菜同飯食點擊圖片放大 店員不斷為我哋燒，不斷咁樣幫我哋換板，好貼心又好專業😘😘我記得之前嚟嘅時候所有店員都係講韓文，今次嚟到嘅時候竟然有一個識講中文嘅韓國人,佢仲好熱情教我點食朋友去完韓國旅行返黎都表示呢間好有韓國味，好似去左韓國一樣，價錢又唔貴會帶朋友一齊黎食，朋友食得開心我就開心了🥳
