呢間係日式mix韓式既店，你可以係到食到日本燒肉，又可食到韓式既主食，幾好！但當然都係主打飛驒牛啦🐮 碎飛驒牛他他 又食他他啦我，我有幾中意食他他大家知啦飛驒牛他他食落唔會好油膩，仲有細粒既蘋果碎，令到層次感大增，油膩感減少，而且甜甜地既感覺 厚切上澳洲牛舌選用牛舌芯的位置，店員教落4邊都要燒變金黃色，開頭仲擔心咁早開爐，然快又燒到咁深色會over cook,點知食落外脆內嫩，好好食😋 飛驒牛五部位 赤身里脊肉、雪降牛肩肉、赤身上後腰隻肉、赤身豚骨肉、霜降西冷每個部位都有3片，睇落平平無奇，食落有驚喜～店員幫手燒就無錯，點知佢燒到咁深色我有d擔心，點知都仲係油脂好香，肉好滑，好好食😋仲有自家制燒肉汁，檸檬汁，海鹽同岩鹽簡，我自己中意就咁食或者加少少鹽，食完佢本身既飛驒牛味，果然飛驒牛係唔同d,油脂分佈均勻，食落有入口即溶既感覺 韓式冷麵 少少酸酸地，食落去幾開胃，中和靚牛既油膩感 稻庭烏冬 最愛食冷烏冬既我唔想勁飽，今次配烏冬食有人本身話食一啖，點知自己再加，咁就知牛同烏冬係夾架 生炸西柚梳打驚喜位係職員喺你面前拎新鮮西柚榨汁，係手動呀，原汁原味，平時多數用機然後打好再拎出黎。西柚打完汁記得加d果肉渣落去呀，更加香架點擊圖片放大 梅酒好大杯呀，平時出面飲開都好細杯，係咪知我需要酒精呀？ 雪糕🍦食完好西最後要有甜品先完滿架，佢有兩個味，但佢好特別呀有粟米味🌽，無法抗拒～食落都香粟米味，但佢係清清地咁，唔係平時粟米零食咁濃，我幾中意
