朋友詐型好耐冇見過，放工約去佢屋企附近食飯，佢話開咗呢間新餐廳門口幾吸引想試吓，入到去發現暫時後新開張得一個餐牌，但餐牌嘅嘢食都好吸引我就坐低咗佢啲餐具我都覺得佢好特別好得意😎 餐包一共有兩款，同朋友當然兩款都試下牛骨水蒜蓉牛油配法式甜包/法包平時餐包多數係普通嘅牛油/蒜蓉法包今次佢呢個牛油好特別，養咗牛骨水同埋蒜蓉既牛油🧈，放入個好似菇嘅入面甜包法包各有特色，甜包有啲似平時我哋食嘅餐包但佢甜少少🤏雖然佢個牛油見唔到蒜蓉，但係都幾香蒜蓉味，幾特別我都幾鍾意 頂級牛肝菌忌廉湯佢呢個忌廉湯竟然有畫花，有驚喜幾香牛肝菌嘅味，真材實料 低溫慢煮煙燻牛舌沙律慢煮牛舌係薄切，出奇地好香牛味同平時唔同嘅係佢用左芝士醬，所以成個沙律都好香好夠味，仲有煙肉碎，麵包粒啲沙律菜都好新鮮，好好食嘅沙律🥗 英式傳統經典布袋牛柳第一次識布袋牛柳，佢有別於唔同嘅就係出面加咗煙肉主要係想增加層次感，焗既時候煙肉既肉汁會入到牛柳入面，令到更加香牛柳入面樣蠔再另層次感大增 黑松露鵝肝醬威靈頓牛柳威靈頓牛柳唔係到到都有得食，就算有得食都未必好食，呢間暫時係我食過除咗文華之外最好食嘅一間威靈頓牛柳佢嘅鵝肝用咗鵝肝菌醬同鵝肝醬，兩隻鵝肝醬會分開，增加層次感又唔會搶咗本身嘅味道牛柳方面佢係用咗美國牛柳，我哋揀咗五成熟，覺得啱啱好，切出嚟嘅時候爆肉汁，而且好嫩口，所以我好滿意 伴菜都幾多款式，有洋蔥仔，蘿蔔仔 中，椰菜仔，日本青瓜同小茄子🍆，全部都係好的骰好細粒，但係五臟俱全既伴碟又係加分點擊圖片放大 黑松露薯條🍟滿滿嘅黑松露同埋芝士碎嘅薯條再配搭黑松露醬食完一條又一條 頂級比利時心太軟🍫佢嘅心太軟係喺我地差唔多食完主菜佢先會做，可以保持到出嚟熱辣辣香噴噴，旁邊仲有杏仁雲呢拿,榛子朱古力🍦佢有別於平時一球球嘅雪糕，而且味道都好特別好好食😋 嘢飲方面佢可以揀紅酒，白酒，咖啡或者果汁紅酒係Mix提子🍇，入口唔算好甜又唔會好澀，入口都算順滑 雖然鋪面唔大，但係感覺都舒服同埋浪漫既格調，如果佢播啲好柔和嘅音樂會更加好，唔知係咪當天冇人嘅關係店員服務都唔錯，每樣都好細心咁介紹，而且每一道菜都唔會急住上，係差唔多我哋食完之後先再上另一道菜，確保到食物嘅質素👍🏻點擊圖片放大 OX Steak lounge大埔舊墟直街9號粵發大廈地下1號舖
