3-6-2015(全程4小時,已包含多次休息) 本日路線: 元荃古道>石龍拱>田夫仔>清快塘>深井 交通:(去)荃灣地鐵站坐39M到港安醫院下車,(回)深井坐234A回荃灣地鐵站 入口在港安醫院對面的小路,就在球場旁,所以可先在此位置塗防曬、蚊怕水和拉拉筋,因為出發入久便有很多蚊在守候你。 今天的路線是看風景非常好,所以一定要帶相機~ 不過一開始比較吃力,而且烈日當空,最好帶帽或雨傘遮太陽~ 點擊圖片放大 +3 沿途會有涼亭可以休息點擊圖片放大 不斷向上行雖然有d吃力,不過只要你望到下面的景色就點都值得 最靚的位置就是這裡...石龍拱! 點擊圖片放大 +2 呢度真係好靚,而且環境乾淨~ 感覺有d似台北的擎天崗,不過附近有牛糞,見唔到牛~ 黎到田夫仔,呢度有呢個牌,我地去深井就要往清快塘方向行(條路亦係越野單車徑) 不斷落斜,慢慢行不要急 當黎到分叉路就繼續向青快塘行~ 經過農莊,好靚 點擊圖片放大 行去深井的路上會見到右手邊遠遠有個小瀑布 就快到喇 點擊圖片放大 到深井之前仍然可以睇住好靚既風景 終於黎到深井!連埋休息,用左4個鐘~我地就在旁邊食茶記,食完過左呢度對面吹風影相 呢個位好涼好舒服,而且好好景!就這樣結束今日行山之旅,好滿足! 溫馨提示:中途沒補給,雖然話去到清快塘有士多,不過我地就見唔到,所以大家最好帶多d水同乾糧,最近發現男仔飲水比女仔多,我自己帶2枝700ml水都飲唔哂,男仔就2枝都唔夠飲,所以建議可以帶夠3枝~仲有就係自備袋用黎裝走d垃圾去到深井先再搵垃圾桶掉喇,唔好亂掉或者掉在郊外~好好保護我地既世外桃園呀!