1月份係老公嘅生日月👦🏻🎂,緊係要去食自助餐好好慶祝下啦🥳!加上想帶老公去買動漫figure做生日禮物🎁,立即諗起係尖沙咀廣東道嘅港威酒店Three on Canton食晚市自助餐🍽️!可以行完最新嘅廣東道動漫體驗館就過對面食精緻多款嘅自助晚餐,老公開心到不得了呀😁! 🔸冷盤 搭正六點半⏰ ,已經排咗好多人排隊拎加拿大龍蝦✨、龍蝦鉗✨、扇貝✨、阿拉斯加蟹✨、鱈場蟹腳✨、鮑魚✨等等海鮮。加拿大龍蝦同龍蝦鉗超級鮮甜🦞,色澤雪白,肉質鮮嫩,口感爽滑美味😋!阿拉斯加蟹腳剪開超多肉汁💦,蟹肉柔嫩鮮味十足👍🏻!第一輪我地拎唔到鱈場蟹腳,好彩海鮮補充得好快🙌🏻,第二次出去已經refill好。其他冷盤仲有皮蛋雞卷🐤、小龍蝦、火腿拼盤🥓同來自唔同國家嘅芝士🧀! 🔸刺身 刺身選擇唔算多,但質素新鮮唔錯👍🏻。有三文魚、吞拿魚、帶子、玉子同各款壽司🍣,帶子size大大粒,肥美厚肉好有口感😍! 🔸熱盤 最吸引一定係西式嘅BBQ肉類,有威靈頓牛肉🥩、燒排骨🍖、蜜糖金門火腿🍖、烤羊架等等🐑,每款燒烤到個色好靚💛,見到都流晒口水🤤!烤羊架控制到熟度啱啱好🌡️,色澤粉嫩,肉質軟腍,薄荷醬清新一齊食就冇咁膩👍🏻。中式方面有即切片皮鴨都幾好食🦆,鴨皮油香酥脆,鴨肉就一般。熟食仲有炸軟殼蟹🦀、蒸蟹腳🦀、蒸魚🐟、印式咖喱雞配薄餅🥘等等。仲有個黑松露車打芝士火鍋,可以放炸雞塊、薯格、腸仔、麵包,有得食又有得玩吓幾得意。 點擊圖片放大 🔸湯品 一定要拎蟲草花螺頭排骨燉湯🥣,煲到出晒味,夠哂足料 ! 🔸甜品 甜品款式種類算多🍰,有珍珠奶茶蛋糕🧋、黑芝麻蛋糕🖤、栗子卷蛋🌰、杏脯撻🥧、朱古力蛋糕🍫、林明頓蛋糕🧁、泡芙💨、蘋果果凍金寶🍎、荔枝果肉奶凍🥛等等,仲有葡撻、豆腐花、麵包布丁同haagen-dazs雪糕🍨。旁邊仲有朱古力噴泉可以自己整朱古力餅乾🍪同棉花糖🍡添!👦🏻👧🏻推介珍珠奶茶蛋糕同栗子卷蛋,奶茶味嘅蛋糕真係好少有,有香濃嘅茶香味☕️,又唔會太甜👍🏻。栗子卷上面有大量香甜順滑嘅栗子蓉,加上蛋糕鬆軟好好味😋。 🔸飲品 除咗有自由斟橙汁🍊、蘋果汁🍎同西柚汁🥤外,另外有職員係水吧位沖凍熱咖啡☕️、奶茶🧋、檸茶🍋同檸水,食完咁多嘢飲返杯檸茶解下膩舒服晒。 點擊圖片放大 透過klook 網站book位有一送一優惠架! ☀️午市自助餐 ⏰時間:12:00-14:30 💰價錢:$478/2位 🌙 晚市自助餐 ⏰時間:18:30-22:00 💰價錢:$870/2位 🔗Klook網站book位傳送門 https://www.klook.com/zh-HK/activity/19761-three-on-canton-gateway-hotel-hong-kong/?aid=14983&utm_medium=affiliate-alwayson&utm_source=non-network&utm_campaign=14983&utm_term= 🚅如何前往:港鐵尖沙咀站A1出口,步行5分鐘 📍 Three on Canton 尖沙咀廣東道13號海港城港威酒店3樓