女士們嘅手袋都好似一個法寶袋咁，咩都有～但係放得太多又搞到個手袋好重，長期帶著重重的袋子其實對步姿也不好的哦！ 而最近MEMEBOX就推出呢盒超的骰但同時超實用嘅I’M MULTI CUBE的骰彩妝盒，係我最愛眼影胭脂化妝盒♥ 手掌咁細盒就齊備早已配襯好顏色的4色眼影同胭脂，仲有小鏡子，太方便喇掛～同時仲試到品牌的皇牌I’M TIC TOC TINT LIP VELVET我愛啞光甜心氣墊唇釉添！ 宜家就要用上呢2件彩妝品化一個美美的妝容，同大家開心分享一下啦！ I’M MULTI CUBE我愛眼影胭脂化妝盒 新品限定售價：HK$80 這盒的骰彩妝盒只有5cm x 5cm不太於一隻掌心，超輕巧～ 體積雖少，但入面就有齊4款已經配搭好的眼影及胭脂色調，先係第一層是4色眼影，淺色調或是霧面與珠光色澤都有齊，閃爍或啞緻眼妝都能滿足到大家！ 而第二層是與4色眼影Perfect Match 的胭脂！ 這系列眼影一共有3款色調選擇，而我收到的是今次主打音調的橙紅TONE 002 All About Coral～ 試色圖： 4色眼影中除了有(2)珠光橘紅色外，更有霧面(1)玫瑰杏色、(2)霧面淺啡色及(4)珠光深啡色～ 1, 3是啞面的眼影，而2, 4就帶有珠光的色調，即使係只有4色亦都可以有唔同的配合，化出不同的妝感！ Step 1 用1號霧面玫瑰杏色，均勻塗抹於整個眼窩 Step 2 用2號珠光橘紅色，點塗於眼窩中間，提亮效果 Step 3 用3號霧面淺啡色，加深眼尾眼頭 Step 4 用4號珠光深啡色，塗抹於下眼尾加深輪廓 Step 5 跟官方有點不一樣，我就用返2號色塗抹於及外眼線近眼頭3分2位置 完成了！大家都好怕Warm Tone的色調好易化到眼腫，但呢個橘紅色都冇呢個情況！ 點擊圖片放大 +2 最後就可以用上5號的珊瑚橘紅色的胭脂，它的粉質幼細跟眼影一樣好幼細，我比較少偏橘紅色，效果又唔錯bor～好柔和自然！ I’M TIC TOC TINT LIP VELVET 我愛啞光甜心氣墊唇釉 售價：HK$128 / 3新色，全系列共8色 I’M TIC TOC LIP氣墊唇釉系列是I’M MEME的Top Seller，今次啞光系列再推出新款3色～ 它獨有的著色氣墊頭及TIC TOC按壓式設計，令唇妝更貼服出色，而且蘊含滋潤成分，唇色豐盈持久！ 直接塗上及以手指點印推開的妝效著色都很不一樣了！ 我收到這支是006 Daring Red，好顯色而且塗上咀唇不會太乾，唔會引起乾紋，而且仲有顯白的效果，仲要唔易脫妝，個色好靚，仲係不易脱色，岩哂啲唔喜歡補妝既女士們！ 總結： 還是第一次試上呢個品牌的眼影，粉質都好幼細又顯色，無飛粉的問題，讚～而且Step by Step，由1-5順序去化，只需5小步就可以完成一個握得下人既妝容，化妝新手也可輕易上手啦，而且價錢好大眾化，值得手袋裡面擁有一個！ 銷售點： - 銅鑼灣白沙道20號MEMEBOX旗艦店 - 銅鑼灣時代廣場4樓 FACESSS I’M MEME專櫃 - 指定莎莎、萬寧及屈臣氏 (Shop List: https://p.prizm.digital/memebox/storelist ) MEMEBOX Website: http://www.memebox.com/global Facebook: https://www.facebook.com/memeboxhongkong/ 是次產品及資料由MEMEBOX提供 #雖然產品／療程是由品牌提供，但我是認真試用一段時間後才作出真心分享給大家作為參考！ 因每個人的肌膚性質有所不同，在我身上使用是有效/出現不同反應，也不表示每人都一樣，所以不要麻木跟隨，購買前請自行作出判斷或向相專業人士查詢，也歡迎留言與我交流，多謝用心看到最尾！# 免責聲明: 本文章所發表的全部內容均屬個人意見及感受，並不代表該品牌／公司之言論及立場。 如需協助或希望獲得更多有關產品資訊，請直接聯絡該品牌／公司查詢或尋求相關專業意見。 ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyan.wing@gmail.com / fingyanwing.makeup@gmail.com Facebook : www.facebook.com/fingyanwing.makeup Instagram: FINGYANWING.MAKEUP YouTube: https://www.youtube.com/c/FingyanWing ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
