自從在朋友家跟2位喵星人玩樂之後，一直對貓喵都念念不忘～ 但家中唔容許養貓貓，當掛住貓貓時候，我就會去宜家香港都開左好多間的貓咪Café同貓貓玩下啦！ 之前放大假，跟男友繼續留港消費就走到位於北角的貓咪Café跟貓貓近距離接觸一下啦！ Cat Tune的地理位置好方便，MTR出步行不用5分鐘就到達～ 而Café 是位於商住大廈，所以都必須要按鈴，就會有店員落黎接我地上去啦～ 進店後，必須先脫鞋及以清潔洗手液清潔雙手，保持地方及個人清潔～ 而且也要遵從店內的規則，千萬唔好抱貓貓同埋餵貓貓呀～ 未入門口已經見到大量貓咪喇～好興奮呀！ 店內一共有16隻，大部份都係領養的～ 這裡是按時收費的，每位成人首小時為$60，之後就$40一小時，價錢是包一杯飲品，而小童首小時為$40，之後就$30一小時！ 所以入座起就會Mark低時間，方便紀錄！ 這裡這以輕食及特色飲品為主！ 飲品款式好多，有茶、梳打、沙冰、咖啡或茶等～ 按時收費的是包一杯HK$25或以下飲品，其他的可以補回差價就可以啦～ 還有是日推介的小食及甜品選擇添～ 而店內就以坐TATAMI形式，可以進一步親近貓貓們，邊食邊玩！ Café 內也有不少貓貓的玩意，簡直係一個貓貓天堂～ 除了有很多貓貓之外，也放了不少動漫的Figure及漫畫，正合我男友的心意～ 蜜糖雞翼（HK$30） 蜜糖雞翼表面微微煎香，淋上甜甜的蜜糖醬，再以芝麻作調味，食物即叫食整～ 醃得好入味，咸度亦適中！ 榛子綿花糖窩夫（HK$20） 是日推介的窩夫是小巧的兩件，窩夫上塗滿榛子醬，上面有微微燒到金黃色的綿花糖，再淋上朱古力醬～ 整個窩夫味道較甜，而綿花糖有燒過，所以是半溶狀態，口感幾有趣！ 芒果紅茶（HK$25） 夏天最岩飲解渴的果茶，就杯芒果味的紅茶～ 飲落有陣陣的芒果鮮甜味，但也帶有濃濃的紅茶，解渴又開胃～ 薄荷茶（HK$25） 薄荷葉就可以醒腦提神，打開是茶包，但可以再Fill熱水的！ 點擊圖片放大 每隻貓貓都好可愛，有的好活躍有的就在睡覺休息，被貓貓包圍下用餐真係好治癒呀～ 而Café 仲可以提供小玩意，可以用佢地黎引貓貓主意，可以親近一下牠們～ 有幾隻貓貓都好爛玩，牠們都在搶玩具，好好笑！ 連紙袋都可以玩一大餐～哈哈哈～ 這間Café 好乾淨舒服，而且職員也會跟我們聊天講下貓貓，下次一定要再來探下貓貓們先得！ Cat Tune 地址：北角英皇道492號一樓A室 ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyan.wing@gmail.com / fingyanwing.makeup@gmail.com Facebook : www.facebook.com/fingyanwing.makeup Instagram: FINGYANWING.MAKEUP ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
