星期六跟男友在旺角行行下街突然覺得有少少肚餓，而晚飯時間又未到，所以就向甜品店埋手！ 今次又再去幾年前曾經幫襯過的一間甜品店，還記得初初開店幫襯印象味道一般，所以一直都沒有再去！ 但近日有朋友去過，話我知出左好多特色甜品，而且味道都唔錯，可以在經營多年，應該都唔會差得去邊，於是又再會一會佢啦！ 這裡的格局跟幾年前的印象無異，座位唔算好多，但是有Open Kitchen，空間感比較大一些！ 牆上黑板都畫滿及寫滿它們的招牌甜品，圖文並茂，非常吸晴！ 這裡的甜品款式不算多，不過比出面食到的有點不同，仲有點創新添～ Test Tube（HK$68） 好特別的Test Tube甜品，好似做研究咁！ 每一支Test Tube都係唔同口味的慕絲，左起是特濃朱古力慕絲、伯爵紅茶奶凍及椰子奶凍＋菠蘿慕絲～ 入面各款慕絲質地口感都非軟滑，入口易溶，而且味道好濃郁～ 我覺得最特別是伯爵紅茶奶凍，食落真係好似飲緊奶茶咁～ 而椰子奶凍＋菠蘿慕絲味道好清新，甜甜的椰子味配合微酸的菠蘿香～ 最後，特濃朱古力慕絲味道要比較濃，朱古力味好濃香，所以可以放在最後食～ 紫薯窩夫（HK$62） 紫薯窩夫是即叫即製的，上碟時都是暖暖的～ 上面灑上糖霜及紫色的糖霜作點綴～ 窩夫中間夾著紫薯蓉，紫薯蓉好甜好香，窩夫外表食落口比較鬆化，但厚度不太厚，所以沒什麼飽肚感！ 而窩夫也可以伴著朱古力醬及Pancake醬一齊食用，個人比較喜歡配Pancake醬，因為朱古力醬可以會有點搶去紫薯的味道！ 也可以選一款味道的雪糕，一凍一熱一齊食落口，刺激味蕾，好特別！ Next Station Dessert 地址：旺角黑布街13號地舖 ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyan.wing@gmail.com / fingyanwing.makeup@gmail.com Facebook : www.facebook.com/fingyanwing.makeup Instagram: FINGYANWING.MAKEUP ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
