話說我們一班女仔朋友中有一位生日，其中一位姊妹就提議到有人推介的一間私房菜跟她慶祝～ 看過餐牌後覺得價錢好合理，於是就著手訂位及點餐～ 因為私房菜的意思就是不會接Walk In 的客人，訂了位訂了餐，那邊的大廚就會預先預備定所需食材！ 這天終於來到了～ Luxury就位於佐敦柯士甸道，正正就是我公司附近，超方便呀！ 需要在這裡工作多年，唔講真係唔知呢度原來有間私房菜！ 來到門口一個招牌都沒有，只靠著街號才找到，按門聆時才有點猶疑，幸好沒有去錯地方！ 餐廳入面不算很大，但座位之間好闊落，枱與枱之間都相隔一定的距離，所以唔怕跟朋友傾密計，私穩度高！ 一進店就看到好多相片，估計應該是這裡大廚過往參與比賽是的相片，可見私房菜的大廚廚藝也應該十分了得！ 開放式的廚房就看到大廚正在準備客人的餐單！ 私房菜的裝飾擺設簡約務實！ 齊人就可以準備開餐啦！ 未開始之前，先奉上自家烤焗的麵包，分別有香草、洋蔥、墨汁芝士口味，配上千島醬及牛油！ 上碟時微暖，表面烤焗得好香脆，最特別就是墨汁芝士口味，配上自家製的千島醬好味！ Starter: 白松露油凱撒沙律配煙三文魚 上碟以一個大的不誘鋼大碗上碟，看似是一班人食的份量，原來卻是一人的份量，份量都幾多！ 碟上奉上沙津醬，可以自己倒幾多就倒幾多，混和一齊食用！ 煙三文魚好鮮味，上面有少量黑松露、多士脆粒及芝士片，沙律菜爽口鮮甜，口感好豐富，而中間帶有點點松露香，跟微酸沙律醬好夾好開胃！ Soup: 意大利黑松露野菌忌廉湯 這是我最期待的黑松露野菌忌廉湯，上碟時已經聞到好香濃的黑松露味～ 上面擺放了一條多脆的多士，少少的份量沾著湯一齊食用，好正！ 而湯上面淋上少量忌廉，微微搞伴，熱騰騰的黑松露野菌忌廉湯飲落超香濃，而野菌也打成溶混和在湯入面，超好味，真想來多一客！ First Main: 北海道帶子龍蝦汁意大利飯 好喜歡意大利飯的口感，口感有點黏，又有咬口，所以就點了First Main唯一的意大利飯！ 意大利飯上面有一隻比平時食到大的帶子，好吸睛！ 大廚將帶子表面微微煎香，有點金黃，而咬開中間是半生熟的刺身口感，帶子本身新鮮，好易咬開，一隻帶子有兩種口感真係好特別，正！ 而意大利飯軟硬度適中，以龍蝦汁來煮的意大利飯，每口都充滿龍蝦汁的香味，咸度適中，而且份量唔會太多，可以留肚食埋後面的菜式！ Main: 慢煮香脆黃油雞卷釀海蝦黑松露雞汁 碟子比較大，中間放著的就是今日的主菜！ 黃油雞卷好特別，原隻雞腿肉中間釀左黑松露及海蝦溶，還有薯蓉及其他配菜，明顯事前功夫比就咁煎牛扒花更多時間！ 黃油雞青面煎至金黃色，雞腿肉質鮮嫩易咬開，配上雞汁一齊食用口感豐富又惹味！ Dessert: 朱古力世界 身為一個朱古力控就當然點朱古力甜品啦！ 三款甜點除了Brownie之外，其他都是大廚自家製的！ Brownie好重朱古力味，不過個人黎講就不太喜歡Brownie的濕笠質感，普普通通! 朱古力雪糕口感比街買更有質感，不過好快就會溶掉，要盡快食用！ 而心太軟味道好香濃，不過可惜火喉控制得不夠，有點過熟，所以軟心流心不算太多，如果可以多D流心就更好！ 後記： 用餐時間比平時的長一點，一面傾計一面等上菜，氣氛環境都好舒服！ 叫齊5道菜都只係HK$450，可以因應自己的食量減少1道，價錢更便宜！ 不用HK$500一位就可以有一個咁好的環境以及食物整體都很不錯，好岩情侶約會談心／幾位一齊黎聚會，沒有用餐時間，可以慢慢傾慢慢食，不錯！ 下次會帶男友再來！ Luxury 地址：尖沙咀柯士甸道114-116號地下 Facebook：https://www.facebook.com/Luxury-481713445242742/?fref=ts ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyan.wing@gmail.com / fingyanwing.makeup@gmail.com Facebook : www.facebook.com/fingyanwing.makeup Instagram: FINGYANWING.MAKEUP ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
