香港人愛去旅行，一有幾天假期就周圍搵平機票，要離開香港叉叉電！ 對於我們這些窮等人家及懶惰的朋友來說，放假應該留係香港休息一下～ 在社交平台上看著很多朋友的旅行相片，其實自己也有一刻心動過～ 不過，其實香港都有好多好地方！ 灣仔舊喜帖街原來已經重開了～重新的面貌好有外國的風格，剛巧行過就跟男人走入去看看，由於已經到了食飯時間，見到呢度原來開左間Passion by Gerard Dubois，之前一直都好想去光顧下，先到唔係太多人就決定係度食晚飯啦！ 這間Passion by Gerard Dubois樓高兩層，地下果層就有Outdoor座位，賣麵包、蛋糕、三文治等輕食！ 而步上一層小小的樓梯去到二樓！ 上到黎直頭有嘩一聲的感覺，因為裝修實在太美了，美得像一間專影相的Sudio一樣！ 二樓有咩食呢？ 二樓有沙律、Pizza、意粉/飯類、特色飲品或扒類，真係睇多花多眼亂～款款都好似好正咁！ 這裡是自助式點餐的，選好食物就可以到收銀位置Order及付款，點好後就自己找個位子坐下就可以～ 職員就有一這個方形的牌子，因為我們點了不同的食物，就有幾個牌子，可以係出菜時間不同所以要咁分～ 當食物準備好，牌子就要閃起震動及響的，這是你就可以到櫃枱領取食物！ 法國火腿凱撒沙律（HK$48） 很喜歡點沙律，48蚊有一大碟，份量比想像中多～ 沙律菜上面除了有法國火腿之外，還有粒粒脆多士及少量芝士片！ 法國火腿咸度適中，份量都幾多，而沙律菜混有一點微酸的沙津醬汁，菜好清新爽口，加埋粒粒脆多士口感好豐富！ 雙重煙燻煙肉乾蕃茄玉米薄餅（HK$62） 一般厚底的Pizza我本身唔太喜愛，但見到這個薄身的Pizza，望落唔會太膩所以就叫黎試下啦～ 跟一般圓形的Pizza不同，它是長方形的，已預先界開6份！ 上碟的木盤刻有店鋪的名字，好有特色！ 這個Pizza主要有煙肉乾、小量蕃茄及粟米，當然Pizza有芝士及少量香草啦～ Pizza邊位好脆身好似餅乾咁，而中間有餡料的位置比較軟身，配料好充足，煙肉加芝士這個配合太好味，咸度適中，中間有少量鮮甜的粟米粒，等整個感覺唔會太重口味，好味！ 忌廉磨菇長通粉（HK$88） 好喜歡食長通粉，忌廉磨菇味是大眾易入口的口味～ 醬汁比較杰身好Creamy，上面灑上少量的芝士片，將長通粉稍為混合一下，芝士溶化在當中，唔會太濃味，而長通粉軟硬適中，不錯！ 牛肉千層麵（HK$88） 這是焗製的千層麵，上碟時好香，表面焗至金黃色！ 千層麵其實也是意粉類的一種，不過麵就比較大面積，麵與麵之間夾著牛肉碎及芝士等！ 味道跟肉醬意粉差唔多，也是以蕃茄作底的肉醬味，混埋半溶狀的芝士超級惹味，芝士味唔會太濃，焗至熱騰騰好香，帶微酸的好惹味！ Passion Mocktail – 黑加倫子+青檸+薄荷果汁 (HK$39) 好精緻的果汁瓶，上而打了個絲帶蝴蝶結好吸晴呀！ 講返杯飲品，好清甜的的提子味，帶有少量微酸的青檸味，而飲到落肚時口控及喉嚨感受到一陣陣涼感，應該就是薄荷的味道，一杯份量好多，跟男人兩份飲一杯就足夠了！ 後記： 這間餐廳完全冇令我失望，而且環境很美，好似去左外國咁～ 食物水準比想像中高，難怪那麼多人光顧～ 而我最喜歡就係二樓有半露天的座位，不過當人被其他人用了就沒法坐到附近～ 最好就係餐廳是半自助式的，沒有加一收費，價錢合理，下次要再黎食過先！ Passion by Gerard Dubois 地址：灣仔皇后大道東200號利東街G11,G12及F12A號舖 Facebook: https://www.facebook.com/PassionbyGerardDubois ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyan.wing@gmail.com / fingyanwing.makeup@gmail.com Facebook : www.facebook.com/fingyanwing.makeup Instagram: FINGYANWING.MAKEUP ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
