沿著彌敦道，由旺角行落太子，是時間食晚飯個肚開始肚餓～ 跟朋友行過一間有好光招牌的餐廳，看到餐牌覺得不錯，就一於試下啦！ The Live House位於太子與旺角之間，斜對面就係始創中心！ 最特別的它的位置是在地庫，行了一層樓梯先到，走廊都十分有音樂搖滾的氣氛！ 我們七點左右坐下，竟然發現人流不是太多，可以未到食飯時間掛！ 這間餐廳原來有時會有駐場Band隊表演，可惜當日用餐遇不到！ 先睇下Menu有咩好野食先～ 食物都是以西餐為主，款式多樣化！ 之當日也有2人及4人的Set Dinner，不過我們兩人看過款式不太岩口味，所以就決定散叫啦！ Godiva比利時朱古力酒（HK$78） 這是當日的特別推介的酒類，朋友就點了！ 聞落有好香朱古力味，飲落有陣陣的酒味，苦中帶甜，好特別！ Strawberry Lounge（HK$88） 這是無酒精的Mocktails，岩哂我唔飲酒的人士享用！ 侍應拎到埋黎就被粉紅色吸引著！ 上面有好大舊Cream及士多啤梨～ 除了有新鮮士多啤梨外，還有以檸檬果汁、糖漿及奶混合而成，飲落好香的士多啤梨味，加埋有Cream及奶就好似飲士多啤梨奶咁，甜多於酸，超好味！ 凱撒沙律（HK$80） 當然少不了點了我以愛的開胃沙律！ 凱撒沙律上有一隻開了一半的半熟蛋～ 下面就有弄碎左的手指餅而非平時食到的脆多士，仲有煙肉條，上面灑上少量芝士粉，整理也不錯，沙律汁微酸，味道好適中，好有口感好開胃呀！ 雞翼拼盤（HK$102） 為左滿足選擇困難症的我們，就選了這個拼盤，一碟有三款小食，有蜜糖雞翼、芝士乳酪黃金薯條及魷魚圈！ 芝士乳酪黃金薯條份量都唔算少，薯條加芝士及乳酪，上面有些煙肉絲，烤焗到芝士成半溶狀態，拎起薯條有芝士拉絲，乳酪微酸，芝士味香濃，薯條雖然焗過但也有少少脆身，好好味呀！ 而雞翼及魷魚圈都好出色，雞翼好入味，魷魚圈炸得剛好！ 芝士忌廉汁焗蟹肉意粉（HK$118） 即叫即焗上碟時特別熱，小心辣咀呀！ 上面鋪滿芝士焗到金金黃黃好香呀！ 忌廉汁入面混有不少蟹肉碎，好香好惹味，意粉偏淋身，不過又唔會淋到一PAT PAT，熱騰騰好正！ 後記： 我們點的幾款食物水準都不錯，菜式款式特別多，上菜速度也很快！ 一大班人聚會也不錯的選擇～ 不過冇Live Band睇就有點失望，希望下次去有機會見到！ The Live House 地址：旺角彌敦道731號地庫 Facebook: https://www.facebook.com/TheLiveHouse ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyan.wing@gmail.com / fingyanwing.makeup@gmail.com Facebook : www.facebook.com/fingyanwing.makeup Instagram: FINGYANWING.MAKEUP ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
