放假梗係要瞓到夠先起身，肚餓又唔想煮就出街搵野食～ 早餐＋午餐一齊享用，就找了在附近住的朋友一齊去食Lunch行下街～ 朋友提議去試下近日新開的韓國餐廳，因為平時Lunch好多人，好難等位，所以難得放假就一於去試下！ 果真當日去到又真係唔算太多人，可能是公眾假期掛！ 早餐都未食就食午餐啦～ 假期都有Set Lunch，價錢平均HK$58-80，款式也選多！ 如果Set Lunch都唔岩食都可以試下散叫架！ 點好單之後，職員就會奉上落單紙，用餐完可以自行到收銀埋單！ 紫薯鐵拿（HK$32） *跟午餐的可以用半價優惠轉飲特色咖啡! 紫薯Latte好少地方有得飲，見到有梗係要飲啦！ 好香紫薯味，紫薯是帶點甜味，好香好滑，泡上面是韓文字？！好似係！ 拉絲芝士BB豬肋骨伴泡菜炒飯（午餐：HK $78） 煎PAN的上枱好特別！ 除了有主角豬肋骨及泡菜炒飯，上面有紫菜碎作點綴及調味！ 豬肋骨骨肉平均，肉質也算嫩口易咬，而煎PAN底就有好吸引的拉絲芝士啦～ 芝士味唔太漏，好好味，而泡菜炒飯就明顯比豬肋骨搶左鏡，比較有點笠及黏口，泡菜味被芝士蓋過，所以也不算太辣！ 網燒牛豬（HK$128） 好特別的牛豬，話明網燒就有塊網在底頭！ 長方形的一大塊，上有是有醬汁及蔥花！ 這塊扒是以牛肉及豬肉混合製成，好薄身的扒，食落質感好似漢堡扒咁，不過豬中帶了一點點牛味，但明顯豬的味道是比較明顯，肉質好好易咬，配上淋上的肉汁好惹味，不錯！ 黑松露雞柳野菌汁刀切麵（午餐：HK $68） 黑松露在西餐裡是常見的食材，想不到食韓國餐都會食到，仲要配埋刀切麵，好特別！ 一碟份量不算太多，刀切麵是比較像粗身的河粉，好有咬口，上面沾滿黑松露白汁，味道適中！ 而雞柳普通無特別，整個醬汁黑松露味不算太濃，可能有點期望過高吧！ 凱撒沙津（HK$58） 這個凱撒沙津比西餐食到的更有色彩，份量都幾多！ 上面有隻半熟溫泉蛋，側邊有多士粒、車里茄及煙肉碎，將溫泉蛋伴勻一齊食不錯，沙津汁微酸好開胃，而蔬菜都好爽口！ 後記： 觀塘區好少有呢D特色的韓國菜食店，第一次試這些Crossover的韓國特色食物，食物整體不錯，有部份地方只屬普通沒太大驚喜！ 如果去開附近都可以一試！ 小火焰韓式咖啡餐廳 地址：觀塘觀塘道410號觀點中心1樓1號舖 ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyan.wing@gmail.com / fingyanwing.makeup@gmail.com Facebook : www.facebook.com/fingyanwing.makeup Instagram: FINGYANWING.MAKEUP ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
