朋友在觀塘返工，而我就在附近住，所以就約了她食個飯傾下計！ 聽聞觀塘工廈有不少食肆，所以就放棄幫襯連鎖式食肆，找到這間工廈的西餐廳－Deer Kitchen！ 工廈在MTR附近，位置都方便易搵，一出Lift門就見到光猛的門口！ 門口擺放著餐牌，Lunch光顧仲有9折！ 餐廳以鹿為主題，店內有不少鹿的裝飾！ 店內光猛寬敞，好舒服的環境！ 看看餐牌～ 分別有晚餐及二人套餐，我們就點了個二人套餐（HK$688），包括有前菜、餐湯、第一及第二主菜、甜品及飲品！ 餐前就奉上餐包：香草醬多士 多士軟硬適中，上面搽有香草醬，好香的香草味，咸度適中，跟平時食到的牛油／蒜蓉多士好唔同，好特別！ 前菜：脆脆棒棒雞沙津 沙津上有不少脆脆，是一條條的脆脆，食落好脆口！ 而沙津有菜之外，仲有切成一條條的雞條，成個沙津口感十足，又脆又爽口又有雞肉，配上沙津醋微酸，好開胃！ 前菜：白松露北海道帶子刺身 帶子好大有半隻手掌咁大，之後上面有一些白松露的汁，食落不單有帶子的鮮味，更帶有白松露味，啖啖肉，好特別！ 餐湯：鮮粟米忌廉湯 話明是鮮粟米即是不是罐頭的粟米湯，湯有淡淡忌廉味，仲有原粒的粟米粒，不過湯可以再熱一點更好！ 芝士焗加拿大龍蝦 半邊加拿大龍蝦，上次有著不少芝士焗製，焗至金黃色，上碟時已經聞到好香的芝士味！ 而因為已經開邊焗上，龍蝦肉好輕易就可以食到，龍蝦好鮮甜，配上芝士好香好惹味！ 主菜：慢煮保雲酥牛柳 牛柳表面有一些麵包糠，而牛柳煮成微粉紅色的，將表面慢慢煎到表面微熟，而牛柳內裡就半熟！除了牛柳外還有一些翠肉瓜及紫薯蓉作伴碟！ 肉質好淋身易咬開，好香的牛味，牛柳配上類似燒汁的醬汁，不過醬汁比較少，多一點會好D！ 主菜：香煎比目魚配黑醋汁 比目魚煎至金黃色，上面配有黑醋汁！ 也有一些翠肉瓜、紫薯蓉及沙津菜作伴碟！ 比目魚肉質嫩滑，細骨不多，煎到表面金黃色好香脆！ 甜品：藍莓芝士蛋糕 食左咁多野都飽肚了8成，再上的甜品份量適中，芝士味不算太濃，芝士餅硬度適中，配上酸酸甜甜的籃莓醬，不會覺得太膩，不錯！ 飲品就點了一杯熱檸水作結！ 後記： 兩人加埋一大約7百多元，比出面靚少少的西餐廳價錢算是相宜～ 而且兩人套餐食物好豐富，兩個女仔食都覺得份量較多，如果男士食就應該岩岩好！ 整體食物水準不錯，不過牛柳還可以煮得更好，有改善空間！ 如果係觀塘返工／附近行街不妨去試試，環境真的不錯，去傾計／慶祝／大伙朋友聚會都不錯！ Deer Kitchen 地址：觀塘巧明街119-121號年運工業大厦1樓B3 Facebook：https://www.facebook.com/Deer-Kitchen-HK-1636493323277630/?fref=ts ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyan.wing@gmail.com / fingyanwing.makeup@gmail.com Facebook : www.facebook.com/fingyanwing.makeup Instagram: FINGYANWING.MAKEUP ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
