對於我跟男友經常在九龍及港島出現，很少到新界地方～ 上星期因為要到荃灣出席活動，難得去到荃灣當然就周圍行下食下啦～ 荃灣好多大型商場，好多連鎖式的食店，我一向都比較喜歡光顧小店，所以就到找到這間在愉景新城附近的西餐廳用餐～ Home Bar & Restaurant在愉景新城附近，地理位置都好易搵～ 在外有是日餐單介紹，行過見到價錢可接受，就抱住一試的心態走入去試試吧！ 餐廳內環境昏暗，一半是酒吧一半是餐廳的座位，裝修都好有特色～ 一人點了一個晚餐，晚餐的價錢由HK$170-260左右～ 因為店內環境好昏暗，所以每一枱都有一個小小的照明！ 晚餐都跟一份沙律、包、餐湯、飲品及是日甜品～ 沙律份量適中，有沙律菜及蕃茄等，沙津都是以微酸的黑醋汁作調味，好開胃！ 之後奉上熱騰騰的餐包，就是蒜蓉多士，好香好脆口！ 而餐湯就是磨菇忌廉湯，咸度適中～ 湯內的磨菇配料也不少，好有口感，磨菇味一般！ 美國安格斯肉眼扒配薯菜紅酒汁（HK$260） 這個可以加HK$50配鵝肝或加HK$30配大蝦～ 我們就加了鵝肝啦～ 加了HK$50的鵝肝也不算細件，有半隻手掌咁大，煎得剛剛好，好香的鵝肝，好正呀！ 而肉眼扒就點了5成熟，因為我跟男友都比較愛吃牛，5成熟的是最易食到牛味，不過如果怕太血淋淋的可以點7成熟以上就比較好！ 這份扒還有薯蓉～ 及少量沙律菜～ 而配上肉眼扒的就是秘製的紅酒汁，酒味就不算太大，配上肉眼扒食幾惹味，原來唔係配傳統的黑椒汁都幾好味wor～ 五成熟的肉眼扒都是帶點紅紅的，肉質好淋身好易咬開，果時是高質素的肉眼扒，好香牛味，厚度適中，份量也算幾多，好有驚喜！ 扒鮮吞拿魚柳伴大蝦燴意大利忌廉飯（HK$190） 一向喜愛食意大利飯的我就點了這個～ 扒鮮吞拿魚柳煎到半面的微微金香，而保持入面的肉質是生的，一塊吞拿魚就有兩種的口味好特別，吞拿魚柳好好味，份量都算多！ 意大利飯還配有一隻大蝦，大蝦好新鮮，仲要係已經拆殼，好貼心！ 而意大利飯煮得好好，軟硬度適中，配上不油不膩的忌廉汁混合煮成，好香好滑！ 而是日甜品就是意大利芝士蛋糕，咖啡味不算太濃，好滑的Cream Chesses，連不太愛食咖啡味的男友都覺得好味，明明已經好飽都一口接一口清光了！ 而餐飲我們就點了可以消滯的玫瑰花茶飲了！ 後記： 不經意試到一間好有誠意的情調西餐廳，仲安排了有表演者演奏音樂，氣氛好好！ 而食物比想像中好味，呢個價錢可以埋單，真係覺得是超值，去開行街不妨試試，跟另一半去浪漫一下啦！ Home Bar And Restaurant 地址：荃灣青山公路407-411號金荃大廈地下A舖 Facebook: https://www.facebook.com/Homebarandrestaurant ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyan.wing@gmail.com / fingyanwing.makeup@gmail.com Facebook : www.facebook.com/fingyanwing.makeup Instagram: FINGYANWING.MAKEUP ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
