好多朋友都知我經常在尖沙咀出沒，因為我的返工地點正是在尖沙咀～ 所以平時都好喜歡約朋友到尖沙咀食飯行街～ 就算星期日我都經過出去行街街架～ 上個星期日就約左男朋友去行街街～ 走上The One搵野食，當然就係去試新野～ 走進這間門面好型格的Cambo了！ Cambo位於尖沙咀The One四樓近電梯位置，非常搶眼～ 設有室內及室外（即係商場外邊）的位置～ 當晚我們7時左右到達，餐廳都大約坐8-9成了～ 幸好不用等位就可以走進餐廳～ 這裡的菜式選擇很多，花多眼亂～ 仲有是日本店推介，以優惠價作推廣～ 因為在街上走了大半天，大家都口渴～ 就每人點杯飲品～ 都是很泰國味濃的飲品青檸梳打(HK$28)及椰汁冰(HK$28)～ 椰汁冰是我點的，好香好濃的椰汁味，意外地覺得好味～ 本店推介：泰式青咖哩軟殼蟹（配法包） (推廣價HK$85) 青咖哩是我跟男友近期最喜愛的泰國菜式～ 原來這個菜式是有明光溫熱住架，讓客人吃到暖笠笠的醬汁～ 青咖哩醬汁是水狀的，內有很多不同大大小小的菜料，有西芹、蔥、茄子及香料葉等～ 這個配有一條法包一併食用～ 當然唔少得係主角軟殼蟹啦～軟殼蟹及法包都是另碟上菜～ 而軟殼蟹炸得剛剛好，食落不覺油膩～ 兩者配上青咖哩的醬汁好好味～青咖哩香而不辣，岩哂D唔食得太辣的人士食～仲有好香的香料葉味～味道有別於一般的黃咖哩！ 生菜包（豬肉） (HK$58) 生菜包故明思義是以生菜包著餡料食用～ 我們選了豬肉～是碎肉上，方便夾於生菜內食用～ 生菜還有青瓜附上，配在一起食很清新～ 而豬肉碎就比較偏辣一點，如果不太吃得辣建議可以點菜前問問職員可否改小辣～ 鳳尾蝦春卷 (HK$58) 一碟有4件，內有一隻蝦，配上泰式的甜辣醬汁，好好味～ 而且炸得不會太油，蝦的肉質係鮮嫩～ 泰式鮮雞肉濕炒河 (HK$64) 這個炒河可以選濕炒或乾炒的，不知為何我們選了濕炒～ 一大碟份量及餸菜配料比較多，不過可能醬汁比較多，食落有點油膩感～ 建議都係乾炒應該好味D～餸菜配料有冬菇、菜等～當然也有鮮雞肉吧！ 其他河粉是好味的，不過感覺餸菜配料比河粉多了一點！ 後記： 整體來說這裡的菜式味道不錯，味道適中不會過淡或過咸～ 而且地點方便就腳，環境乾淨舒服～ 座位之間不會太迫，下次行街都帶下好姊妹黎再食先～ Cambo ขุนทอง 地址：尖沙咀彌敦道100號The ONE 4樓L403舖 Openrice： http://www.openrice.com/zh/hongkong/restaurant/%E5%B0%96%E6%B2%99%E5%92%80-cambo-%E0%B8%82%E0%B8%B8%E0%B8%99%E0%B8%97%E0%B8%AD%E0%B8%87/47405 ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyanwing.makeup@gmail.com / fingyan.wing@gmail.com Facebook : www.facebook.com/fingyanwing.makeup Instagram: FINGYANWING.MAKEUP ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
