話說大家有留意開的的Facebook更新就知道，我四月下旬到台灣進修～ 去左五日，當中有兩天全日上堂，之後留了兩天在台北Shopping周圍行下～ 經常聽到朋友去台北，都會拜訪一個地方叫「上引水產」～ 那裡有很多好味的海鮮刺身食～極愛吃三文魚刺身的我有機會當然要到訪一下啦～ 但好無奈，同行者不好刺身類，只會吃熟食手卷～ 誰覺得我可以一人可以鯨吞十幾片刺身呢？ 最後我就好無奈地獨自買了五粒三文魚壽司食就走了～ 在這裡不能盡興，我回港就要立即約朋友去食放題！ 「我要食三文魚刺身呀！」（高呼咆哮） 我的體貼朋友對我真好，又肯陪我去食放題，嘩哈哈！(≧∀≦)ゞ 今次到去到旺角一間只開業數個月的日式放題食店【築地番本日式放題】 這裡的裝潢比較新淨整潔～ 因為我們是閒日去，所以提前一日訂位都冇問題～我地進食時間係18:30至20:00時段，價錢為HK$208/位（再有加一服務費） 宜家仲推左個「無限時放題」，都只係HK$238/位，好岩一大班人等朋友收工來聚一聚！ 去到先點飲品先，原來這裡有任點梅酒飲架，岩哂我朋友！ 這裡的點菜單有A至M咁多張，仲有「升級體驗」的菜單，但「升級體驗」是需要每人加HK$50才可點裡面的食物，因為「升級體驗」的菜單太吸引了，所以我地都加左！嘻嘻！太為食了！ 對我來說，食放題是有規矩的！ 一定是由刺身開始！ 我朋友太了解我，點了很多三文魚俾我食！OH YEAH！ 三文魚刺身夠厚身，不是薄切，而且沒有雪味～ 「升級體驗」的北寄貝刺身及特大赤蝦刺身也尚算可以，刺身類整體也很滿意～ 之後就來一點小吃～ 牛油栗米：好好食，不過奇怪只奉上一隻近似雪糕的膠匙～ 我們也不是親密到可以你一口我一口，結果只用筷子續粒續粒夾～有點奇怪～ 辣味螺肉：好好食～D汁好惹味～ 最後的燒帆立貝：有點失望，好細粒，而且味道有點咸～ 又再點「升級體驗」菜單上的食物啦～ 忌廉煮藍青口：好有驚喜呀！好好味！好香忌廉味，藍青口肉都好肥大，好正！ 北海道帶子刺身：都是我最愛之一，SIZE不算大 ，但也夠鮮味！ 之後到燒物啦！ 燒牛舌：好爽口，醬汁好惹汁，正！ 燒劍魚乾：本來我不好，不過朋友說好味，我也試一試，果然好似食零食的魚乾一樣，幾好味！ 燒菠蘿：普通菠蘿無異，不過燒左就香D，不錯不錯！ 燒三文魚頭：普通沒有驚喜～ 麵豉湯：味道尚可，不太咸，幾清～ 特色壽司：選擇也比較多，連花之戀都有，一小件一口一件，不會太飽肚～ 清酒煮蜆：蜆沒有什麼酒味，清清地幾好食～ 已經食到好飽，都依然叫左個「升級體驗」菜單上的蟹粥～ 好好味呀！好綿的粥，我最喜歡這個質感～蟹肉都不錯～ 最後，就梗係要叫甜品食啦～ 超飽！！！ 總結： 【築地番本日式放題】是一個不錯的飯聚地方～ 適合喜歡試不同食物的朋友來吃～ 雖然有某些食物沒有驚喜，但未至於難食～ 所以都值得推介！ 地址: 旺角通菜街1A-J號威達商業大廈Deli 2 一樓B室 電話: 2336 8350 Facebook：https://www.facebook.com/jdfanben?fref=ts Openrice：http://www.openrice.com/zh/hongkong/restaurant/%E6%97%BA%E8%A7%92-%E7%AF%89%E5%9C%B0%E7%95%AA%E6%9C%AC%E6%97%A5%E5%BC%8F%E6%94%BE%E9%A1%8C/438258?s=3 ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyanwing.makeup@gmail.com / fingyan.wing@gmail.com Facebook : www.facebook.com/fingyanwing.makeup Instagram: FINGYANWING.MAKEUP ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
