唔知大家有冇出去做Facial的習慣呢？ 我就有啦～成日都以一句｢辛苦搵黎自在嘆｣的左右銘～ 雖然貴一點，但一個月一次～咁辛苦工作都要俾自己嘆下既～ 每次Facial都大約HK$400至HK$600左右或以上，視乎你做什麼Facial～ 但有時工作忙時，都好難抽到時間去做Facial，而且成日預計唔到時間～ 有時間時，但幫開你做的美容師又俾人預約了～ 而你塊臉又需要急救咁點算？ 呢個時候就有樣產品幫到你啦～ SWISS BALANCE肌源導入透亮療程 HK$399 （包括活肌晶瑩軟膜30ml及細胞活化彈性面膜30ml） 先講包裝～ 包裝盒以銀色盒為主～ 盒上說明產品的成份、使用方法、產地等資料～ 產品是由瑞士製造～並以天然植物提煉成份， 而且還注明不含Paraben 類防腐劑、不含動物成份及不經動物測試～ 一盒內有兩樽產品～ 左手面：白色樽身是Step One活肌晶瑩軟膜； 右手面：銀色樽身是Step Two細胞活化彈性面膜； 產品底部都分別注明有效日期～ 產品入面還有一個保護蓋，確保產品乾淨衛生～ 打開產品先試試質地～ Step One活肌晶瑩軟膜質地比較杰身，比較難推開的～ 而Step Two細胞活化彈性面膜相對比較Cream狀多些，比較滑身～唔難推開～ 好啦～開始我的第一次Home Facial啦～ Step One活肌晶瑩軟膜蘊含法國白泥、白米澱粉、水楊酸及透明質酸鈉等～ 有效吸走堵塞毛孔的油脂及污垢，並去除老化角質，暢通毛孔，還可能深入毛孔軟化角質及溶解黑頭粉刺～ 將軟膜薄薄塗於臉部，避開眼部脆弱範圍～ 因為軟膜都比較難推開，我都用左一段時間先可以塗滿全臉～ 有淡淡的香味，不刺激的～氣味就像去美容院做Facial般～ 第一步的整個過程大約需要10至15分鐘～ 過了5分鐘左右，軟膜開始慢慢變乾收緊～ 好似有少乾了一層白粉咁～這代表活膚程序已被啟動～ 再待多5至10分鐘，可以從下而上打圈方式輕柔按摩～ 此時就會捽出老化角質（白色擦子膠碎咁）～ 然後再清水徹底清洗面部～ 接著就用上Step Two細胞活化彈性面膜～ 它蘊含蕃茄幹細胞防禦因子、椎茸精華、石榴精華、小麥蛋白及異構寡糖等～ 可抵抗游離基及提高細胞活力及防禦力，更可以促進膠原自生，收緊臉部線條～改善肌膚緊緻度及彈力～ 第二步的整個過程也大約需要10至15分鐘～ 面膜比較易推開～都是有淡淡的美容院香氣～ 用法都係將面膜薄薄的塗一層於臉上，要避開眼部脆弱範圍呀～ 約10至15分鐘後，以紙巾拭抺或以清水洗淨～ 係時候睇睇成績啦～ 用前皮膚比較暗啞泛黃～用後皮膚明顯比較亮白～而且膚色都均勻兼有光澤～ 再睇睇鼻翼位置～原本比較暗沉及有暗粒～ 用後鼻翼位置明顯乾淨左，而且暗粒都被推走了～（開心） 第二步的面膜保濕度相當好～ 總結： 我是第一次在家中做自家Facial及用軟膜～ 平時我好少可做深層清潔或是Peeling等，因為我是乾性皮膚～ 怕成日做會搞到皮膚更加乾上加乾～傷及皮膚～ 今次遇到佢地～好正呀～一次過可以幫我做哂深層清潔加保濕的動作～ 在家中只需要花20至30分鐘時間，就好似幫自己做了Facial，急救皮膚～ 平時Book唔到美容師做都可以返屋企自己搞啦～唔洗等到皮膚殘哂都去唔到做Facial～ 真係好岩成日開OT或輪班的妳去用～ 雖然係好正，但官方建議一星期用1至2次好啦～始終皮膚是不可以過渡清潔啦～ 產品價錢是中位價，我覺得是可接受的價位，不到四百大元就可以有齊深層清潔及保濕活膚功效～真係值得投資～ 產品及有關資料由該品牌提供 免責聲明: 本文章所發表的全部內容均屬個人意見及感受，並不代表該品牌／公司之言論及立場。 如需協助或希望獲得更多有關產品資訊，請直接聯絡該品牌／公司查詢或尋求相關專業意見。 ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyanwing.makeup@gmail.com Facebook : www.facebook.com/fingyanwing.makeup Instagram: FINGYANWING.MAKEUP ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
