我相信好多女士都和我一樣，遇到同一個問題～ 就係毛髮問題～毛毛對於女性黎講真係好討厭～ 不輪腋下、手腳、唇毛和身體其他部位都好～總會令到好多愛美的女人好煩惱～包括我～ 以前細個唔識，零用錢又唔多，多數都係用脫毛膏脫毛～仲要偷偷地脫～ 因為媽媽唔中意我搞咁多野～ 到大個出黎做野，終於自己搵錢可以俾自己洗～ 與友人一時興起，就去左某公司脫腋下毛～俾我個印象係好難預約時間去做～ 又因為用彩光關係，脫毛過程都好漫長～係咁等等等完又等～ 而我一直都好想脫唇毛，唔想美人生鬚咁尷尬～又怕好似之前咁等了等了～ 所以一直拖字缺～快捷的解決方法就係用剃刀剃～ 不過剃唇毛日子有功～毛髮開始變得明顯T_T（我之前太無知啦） 直到近期，當上了Blogger之後～ 有PR邀請我到佢地公司試做激光脫唇毛～ 又重燃起我心中團火～解決我唇上的｢鬚｣啦！ Dream Beauty Pro分店位於旺角好方便～ 店面以白色為主，因為就黎到聖誕～ 職員都為店面裝飾一番～好有聖誕氣氛呀～～ 座下沙發上等候顧問時，對住我有個大雪人呀！ 好可愛～ 顧問好快黎到，仲預備左杯茶俾我～好貼心的服務哦～ 之後顧問同我講解激光脫毛的原理（詳見下圖） （圖片來源自Dream Beauty Pro網頁） 因為我好怕痛～之前做過彩光脫毛都有少少彈彈下咁痛～ 我自己理解激光好似係勁過彩光，所以我都有問顧問夠就痛唔痛架？！ 顧問講到～Dream Beauty Pro係採用【808激光嫩膚脫毛儀】來進行脫毛～ 因為呢部機係雙製冷冷技術無痛脫毛儀器，採用左10HZ的重覆頻率，比傳統的激光脫毛快左3至5倍～（聽到呢到，我好開心呀～唔洗再等完又等啦） 仲要脫毛時只係要輕微溫熱感覺，好似剃毛一樣咁快，唔會覺得痛～～ （唔痛，我個心都立即安定左好多～） 見完顧問～就隨即帶我入房啦～～ 房間好大好闊落（連做2小時的Facial房都冇咁大） 好舒適～ 因為我是脫上唇毛，所以都唔需要換衫～ 佢地預備左毛巾同一個飾物盒～俾你放D細小的飾物～ 好貼心呀～～ 仲有個櫃可以鎖起你的隨身物品～ 好啦～開始啦～有少少緊張～哈哈～ 因為我之後都會去街街～我有問PR可唔可以化妝黎架？ 答案係可以架～因為只脫上唇毛～只係卸走左果個部位的妝～ 完成療程之後，可以補少少妝就可以去街街啦～ 開始啦～ 首先職員幫我剃走表面的唇毛～ 千其唔好自行處理／拔毛呀～因為係要留返少少係度～ 部脫毛儀先會測到毛髮既黑色素，先會將D光打到去毛髮底層～ 才做到有效的脫毛效果～ （如果唔明，可以去返上面睇睇個脫毛原理） 剃毛後，就塗上一層透明啫喱～ 就開始脫毛啦～期間職員都一邊好細心在旁提示佢幫我做緊咩～ 等我有心理準備～唔洗咁緊張～ 過程10-15分鐘左右，好快就完成療程啦～ 完成之後就去補妝啦～ Dream Beauty Pro設左個化妝間，供客人完成療程之後～ 去補補妝～入面有髮型用品、棉花棒、紙巾、風筒等用品～ 入去Set埋個頭先去街都仲得呀！好正～ 最後，當然要俾大家睇下成績啦～ 其實我的唇毛不是太明顯，唇毛好幼身～路人行過應該睇唔到～ 但我係女人嘛～自己睇自己梗係覺得有好多不足～哈哈～ 完成左之後，上唇位置立即白淨左～毛仔都冇哂～上妝都貼左～ 總結： 我覺得Dream Beauty Pro係一間好專業及好貼心的脫毛公司～ 你睇佢地拎左幾多獎就知啦～ 由見顧問至脫毛，每一位職員有禮、細心同專業～ 店內環境乾淨，燈光柔和不刺眼，予人好舒服好輕鬆的感覺～ 我覺得這間公司好適合未試過激光脫毛的妳～因為整個脫毛過程真係唔痛～ 只係少少微暖的感覺～ 我仲可以講得誇張D，同做Facial D機差唔多添～唔覺得自己脫緊毛～哈哈～ Dream Beauty Pro 官方網頁：http://www.dreambeautypro.com/ Dream Beauty Pro FACEBOOK： https://www.facebook.com/DreamBeautyPro 脫毛療程及資料由Dream Beauty Pro提供 免責聲明: 本文章所發表的全部內容均屬個人意見及感受，並不代表該品牌／公司之言論及立場。 如需協助或希望獲得更多有關產品資訊，請直接聯絡該品牌／公司查詢或尋求相關專業意見。 ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyanwing.makeup@gmail.com Facebook : www.facebook.com/fingyanwing.makeup Instagram: FINGYANWING.MAKEUP ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
