大家好！ 新手上路的Blogger！要自我介紹一下，我叫Wing，Nickname叫Fingyan :) 現為Freelence MUA，對美容護膚化妝都有莫大興趣，相信世上沒有醜的女人，只有懶的女人！ 所以希望透過唔同頻道分享我的美容護膚化妝，甚至對於食方面都可以同大家分享，基本上主修扮靚，副修是吃喝現樂XD 自己介紹如下： 我是一個返星期一至五9至6在冷氣房辦公室工作的女子 今日踏入社會大學已經第6個年頭，我實在不甘每天過著重覆的生活 在這幾年Full time job的生活著，為著自己的與趣，頭3年我修讀著日文 第4,5年因為一團小小的火令我進入半工讀的大學生生活 因為修讀degree的學費不便宜（十幾萬-_-""），為著可以自己賺錢去進修 也不想向政府借錢讀書，所以我一直都在找可以Part time修讀degree的課程 結果我為著完成自己的願望，襯後生有心有力時完成，不然到老了才後悔哦 最後我終於順利完成課程，戴上四方帽，有血有淚的半工讀時間，實在太忙了 *沒提及，我讀的是有關Multimedia Design的課程 完成後我有大約一年的時間是沒有上任何興趣班，只是過著返工放工睇電視追看Running Man等 星期六日去街食玩hea的日子 確實，這些生活真的＂爽＂ 但時間久了，我就開始覺得不想浪費時間 想去進修，一直對化妝呢個工作好敬佩 看見化妝師很專業的技術，Set頭如何了得 開始產生了興趣 因為在早幾年前我完全不懂如何化妝（女仔黎嘛，貪靚都係人知常情） 所以係幾年前我曾經去Missha參加過4堂個人化妝班（印象中不貴，好像4百多元） 還記得到最後一堂考試，只有我一人出席 阿sir見到我都話估到得我一人出席考試（阿sir都看得出我是有心學的） 因為大部份人在頭3堂學識哂技巧都唔會再出席（因完成考試有Missha coupon送返） 我學識了如何幫自己化妝，但老實說 我自己不太愛化妝（因為我很懶:P） 但我愛看別人化起妝來的樣子 所以2013下半年就開始周圍問朋友去邊度讀化妝好 開始搜集資料 最後決定到一間小小的學校在2014年1月開始一連16堂的新妝化妝班 上課其實只有8堂，第9堂開始就自備Model到學校練妝 化全妝，第一次幫人化真係超級緊張 又怕自己生手整到人地 但後來愈化愈自然 慢慢把所以Step記入腦海中 第15堂就是考試了（是要自備所以化妝用品用具，模擬出job一樣） 不好容易入手屬於自己的化妝品，用具...等，係咁洗錢洗錢再洗錢啦 但我已有一套基本的化妝品同用具幫人化妝啦:) 另外一提，我好幸運遇到好的化妝老師 她不會強迫我們買任何用具 真心分享她覺得好用的東西給我們，不會找哪裡買，還替我們訂購 令我地唔洗浪費不必要的金錢試其他用品 所以我好幸運:) （唔好話化妝好好賺，係辛苦工黎架 我還未體驗到零晨起身出JOB的經驗，我相信都要好大動力 而且我地要投資好的化妝用具，化妝品先可以化到個好妝出黎，所以東西都是錢 所有野唔好只係睇一面， ｢台上一分鐘，台下十年功｣我想也是這樣吧） **特別鳴謝各位俾我練妝，多謝專登抽時間黎做我個化妝Model的每一位美女，有了你們，使我學得更多走得更多！ 其實我都只係完成一個學習階段，以後好想大家再俾機會我，學習更多更多汲取更多更多經驗；我開了個Page ，除了可以令我朋友以外的朋友朋友都認識我之外，亦可以同大家一起分享關於我的化妝之路； 雖然我很微小，還是一位新手，因為市面上真係有好多選擇，大家冇義務去選擇我作為你的化妝師，但對於我自己個人小小的夢想／想做的事，希望你，妳，您都可以俾個機會我學習：） 如果大家不嫌棄我新手上路的話，去飲宴／姊妹妝／甚至新娘化妝都可以搵我架！Set頭方面，我會努力練習！請多多指教！ *** 歡迎合作試用／活動 Enquiry／Contact::: Wing Ho E-mail : fingyanwing.makeup@gmail.com Facebook : www.facebook.com/fingyanwing.makeup Blog : http://fingyanwingmakeup.blogspot.hk/ Instagram: http://instagram.com/fingyanwing.makeup ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 點擊圖片放大 +4
