相約屋企人喺佐敦飲茶,「香江花月」主打手工點心,中午飲茶,晚上高質火鍋。係一間非常打卡able嘅餐廳,整間餐廳裝修都好華麗,襯返店名係懷舊feel做主題,由門外人力車,拱形玻璃大門進入,店內整堵牆放滿舊式撥號電話、打字機,處處擺放舊式物件佈置:留聲機、電視機、唱片機、紅色郵筒⋯⋯細節盡是誠意,處處都是打卡位。點擊圖片放大 +3 另設有間比較跳tone嘅幻彩波波燈房,四面鏡面,都係俾客人打卡嘅專區。 餐廳環境寛敞,枱與枱之間空間夠,大部分都係梳化位坐得舒適,仲有獨立大卡座,可以容納十二人一齊坐,同屋企人簡直係穿越咗返去六、七十年代嘆吓茶。 ✣杏汁金魚餃 $48賣相非常靚,一定俾相機食先,池塘水好香杏汁味道,仲有幾朵紫色食用花點綴,金魚造型好可愛,有啲唔捨得咬開,餃皮煙韌,蝦肉做餡料,爽口彈牙。 ✣紅袍荔枝 $42係甜品,造型有趣,跟住荔枝嘅樣嚟整,造埋枝葉部分好細緻。紅色外表係由脆米炸成,脆口帶點煙韌,咬開係紅色同黃色嘅奶皇餡,中間有細粒荔枝肉,滲出幽幽荔枝清香,口感似炸奶皇煎堆。 ✣流汁叉燒包 $35麵包鬆軟,咬開熱辣辣,裏面叉燒餡有流心。 ✣黑豚腩肉雪裏紅燜米 $108米粉燜得入味但唔鹹,爽口條條分明,黑豚肉都唔少,配合雪裏紅、彩椒、芽菜增加爽脆,顏色靚。點擊圖片放大 +4 #香江花月地址:佐敦佐敦道35號百誠大廈2樓