朋友相約聚餐,西貢WM Hotel開咗以嚟都係第一次去,酒店裏面有幾間餐廳。M Square係以運動做主題嘅美式西餐廳,環境好寬敞,坐得舒服,裝修簡約和諧,燈光柔和,置身喺度有點度假feel。 餐廳襯返主題,除咗有大螢幕同電視播住唔同嘅運動比賽,仲有唔同設施俾客人玩:桌球、足球機、彈珠機同高爾夫球模擬空間,玩味十足。酒店餐廳嚟講,價錢都屬於親民,平日食滿$300仲免三個鐘停車場。 ღ 𝘚𝘩𝘢𝘳𝘪𝘯𝘨 𝘣𝘪𝘵𝘦𝘴 & 𝘨𝘳𝘦𝘦𝘯⊛ 𝙈𝙪𝙨𝙨𝙚𝙡𝙨 𝙥𝙤𝙩𝙨 $𝟭𝟲𝟴⊙鮮茴香忌廉煮藍青口、烤麵包條賣相好靚,忌廉汁奶油味香濃,淡淡茴香帶點清新,烹調時藍青口嘅海水味同鮮味更落入忌廉汁當中,藍青口肉嫩滑,都有好多隻,鬆軟烤麵包條索晒忌廉汁食好正。 ღ 𝘍𝘳𝘰𝘮 𝘵𝘩𝘦 𝘨𝘳𝘪𝘭𝘭⊛ 𝗦𝗺𝗼𝗸𝗲𝘆 𝗯𝗮𝗯𝘆 𝗯𝗮𝗰𝗸 𝗿𝗶𝗯𝘀 (𝗳𝘂𝗹𝗹) $𝟯𝟬𝟴⊙煙燻豬仔骨、燒烤醬、薯仔、蔬菜表面焦香,好香煙燻燒烤味,一切即開夠晒腍,入口肉厚多汁,燒烤醬味濃但適中,唔會過鹹同過多醬料。薯條炸得香脆但唔乾,保持到薯仔嘅質感,好鍾意一條條酸瓜仔,爽口夠酸,配埋一齊食減低油膩感。 ღ 𝘈𝘭𝘭 𝘥𝘢𝘺 𝘦𝘢𝘵𝘴⊛ 𝗟𝗼𝗯𝘀𝘁𝗲𝗿 𝗺𝗮𝗰 & 𝗰𝗵𝗲𝗲𝘀𝗲 $𝟮𝟯𝟴⊙燒龍蝦尾、通心粉、龍蝦汁、cheddar芝士、parmesan芝士Mac & cheese通常被譽為邪惡美食,因為每粒通心粉都充滿濃濃芝士,芝士醬加埋蘑菇同龍蝦汁去煮更加鮮味,仲要有拉絲,食到停唔到口,加埋燒龍蝦尾,龍蝦肉爽口彈牙,即時變成升級版。 ღ 𝘋𝘦𝘴𝘴𝘦𝘳𝘵⊛ 𝗠𝗮𝘁𝗰𝗵𝗮 𝗰𝘂𝘀𝘁𝗮𝗿𝗱 𝗽𝗮𝗻𝗰𝗮𝗸𝗲 $𝟭𝟰𝟱⊙厚班戟、抹茶吉土醬、紅豆、脆玄米、抹茶蕨餅朋友生日,book位時餐廳還細心問朋友名字,當我哋點甜品就會代為寫上及點蠟燭,上枱一刻感覺窩心,賣相靚。即叫即整梳乎厘班戟香甜富空氣感,抹茶吉土醬香滑但甜咗少少,脆玄米本來以為係脆口,點知通咗風煙靭腍晒,口感唔太好。配合埋紅豆醬食多兩啖,整體感覺甜咗啲。 ⊛ 𝗔𝗽𝗽𝗹𝗲 𝗰𝗿𝘂𝗺𝗯𝗹𝗲 𝗳𝗿𝗲𝗻𝗰𝗵 𝘁𝗼𝗮𝘀𝘁 $𝟭𝟮𝟱⊙法式多士、肉桂蘋果、烤紅梅酥餅碎好鍾意呢個法式多士,其實有點似bread pudding,外面酥脆,咬開軟滑布丁口感,充滿奶香蛋香,蘋果酸甜帶有肉桂獨特香味,金寶同烤紅梅酥餅碎增加脆脆口感,再配上雲呢拿雪糕,溫熱中帶點冰凍嘅多重層次。點擊圖片放大 +3 #M Square 地址:西貢惠民路28號WM酒店地下低層A1號舖