因為一套劇集，望到cafe個店名都有種莫名親切感。Hikari日文解作光嘅意思，門面都用上大玻璃，自然光透入，採光度十足，淺色木系裝修，設有閣樓座位，文青簡約風格，感覺清新休閒，環境靚打咭一流。 食物賣相都好吸引而且質素高，除咗自加烘焙咖啡出色，餐牌仲有沙律、主食、甜品選擇。店員友善有禮貌。 ღ 𝘓𝘪𝘨𝘩𝘵 𝘮𝘦𝘢𝘭⊛ 𝘉𝘶𝘳𝘳𝘢𝘵𝘢 𝘤𝘩𝘦𝘦𝘴𝘦 & 𝘴𝘮𝘰𝘬𝘦𝘥 𝘴𝘢𝘭𝘮𝘰𝘯 𝘴𝘢𝘭𝘢𝘥 𝘸𝘪𝘵𝘩 𝘵𝘰𝘮𝘢𝘵𝘰 𝘢𝘨𝘢𝘳布袋芝士煙三文魚沙律配番茄凍 $108最鍾意午餐有沙律選擇，啱晒鍾意輕食嘅女士們，賣相好靚，成個波嘅布袋芝士脹卜卜，切開煙靭外層，裡面軟滑流心，滿滿奶香。 加埋煙三文魚，生紫洋蔥嘅辛辣味，仲有一粒粒正方番茄凍，直頭係濃縮番茄味，酸酸甜甜，撈埋沙律菜一齊食，味道清新，口感豐富。 ღ 𝘔𝘢𝘪𝘯⊛ 𝘚𝘰𝘶𝘴 𝘷𝘪𝘥𝘦 𝘢𝘯𝘨𝘶𝘴 𝘵𝘰𝘱 𝘣𝘭𝘢𝘥𝘦 𝘫𝘢𝘮𝘣𝘢𝘭𝘢𝘺𝘢慢煮美國安格斯牛板腱新奧爾良飯 $158一上枱一陣熱嘅香氣湧上嚟，鋪滿大大塊粉紅色牛板腱，份量十足。慢煮方式保持肉質軟嫩，筋位都煮得腍，脂肪含量低，感覺全完唔肥膩。 jambalaya係什錦飯，係新奥爾良菜，煮法類似意大利燴飯，用蘑菇、蘆筍加入醬汁煮成，飯粒口感正常係會少少偏硬，醬汁香濃滲透飯粒中。 ღ 𝘈𝘥𝘥 𝘰𝘯 𝘴𝘯𝘢𝘤𝘬⊛ 𝘉𝘶𝘧𝘧𝘢𝘭𝘰 𝘸𝘪𝘯𝘨𝘴水牛城炸雞翼 +$48雞翼熱辣辣，用香草醃得入味，炸得外脆內juice，另配上一杯水牛城醬汁，又酸又辣味道濃烈，無直接淋上可保持雞翼脆身，雞翼蘸上醬汁香辣惹味，跟Lunch set追加嘅小食。 ღ 𝘊𝘰𝘧𝘧𝘦𝘦⊛ 𝘊𝘢𝘱𝘱𝘶𝘤𝘤𝘪𝘯𝘰 泡沫咖啡 +$27自家烘焙咖啡味道香濃，順滑泡沫感，獨角獸拉花好靚，唔捨得飲。跟Lunch set點咖啡有$15折扣。ღ 𝘋𝘳𝘪𝘯𝘬⊛ 𝘔𝘢𝘳𝘶𝘬𝘺𝘶 𝘬𝘰𝘺𝘢𝘮𝘢𝘦𝘯 𝘮𝘢𝘵𝘤𝘩𝘢 𝘭𝘢𝘵𝘵𝘦丸久小山園抹茶鮮奶+35用上丸久小山園抹茶，味道清新，奶夠香滑，抹茶和鮮奶比例平均，鍾意佢唔太甜。 ღ 𝘋𝘦𝘴𝘴𝘦𝘳𝘵 ⊛ 𝘋𝘪𝘳𝘵𝘺 𝘵𝘪𝘳𝘢𝘮𝘪𝘴𝘶 髒髒提拉米蘇 $78見到幾枱食客都有點tiramisu，賣相好靚，係即叫即製，唔係放喺雪櫃吸咗雪氣嗰種。底層手指餅用咗自家烘焙嘅咖啡浸泡，咖啡味濃厚，手指餅無被過份浸腍，質感少少似蛋糕但仍帶鬆脆。中層mascarpone芝士幼滑，帶微微酒香，質感輕盈，creamy得嚟又有微微流心。面層灑上帶微苦嘅可可粉， 仲有Oreo朱古力曲奇，增添脆口感。整個tiramisu味道都好平衡，甜度適中。點擊圖片放大 +2 #HIKARI地址：荃灣大壩街21號地舖
