上星期到了布吉參與好朋友在布吉婚禮,因工事繁忙,只能逗留數天,淺行一下。 今次在芭東住了一天,人地話去泰國必定要做SPA。基本上芭東周街都有SPA店,今次與友人到了間叫 SO THAI SPA 的SPA店,曼谷同布吉都有分店。在由於聽講話呢間野好FULL,所以我地出發前都BOOK定左先。而且,上網睇呢間野兩個人做有COUPLE PROMO,B$5000/兩個人(每人約HK$570),4小時的LUXURY PACKAGE!!實在泰抵喇! 除返開都係每小時HK$142,香港一定做唔到呢個價錢啦! http://www.sothaispa.com/phuket > foot massage 腳底按摸 > gold body scrub 身體磨沙 > aroma oil massage 香薰按摸 > choice of: - herbal ball or spa facial (草藥熱球或面部美容 , 2選1) > head massage 頭部按摸 我地預約了下午4點,諗住做完就去夜市食食食。 一入到店 職員 首先確認BOOKING,之後講解PACKAGE包括D咩,同埋草藥熱球或面部美容要2選1,我同友人都係選了草藥熱球,始終夠正宗又特別。之後就先收費,再選擇香薰味道,因為我想RELAX就選擇了薰衣草。 令我感到第一個貼心服務就係先呢張紙,問定您想專注邊D位置同埋咩位置係需要特別小心。 之後入到房間換好衫後就先幫您簡單沖洗一次腳部。 跟住就開始做喇腳底按摸了。 值得一讚係呢到D人笑容又好,仲要又專業又努力幫您按,唔會有半點感覺係[渣流攤]的! 可能係因為本身都好累,舒服到我好快已經訓著了。 到Body scrub 時更覺得自己係一個女王,訓係到,動也不動就有人幫妳由頭到腳進行身體磨沙,真係好享受。 Body scrub 後按摩員會較定啱溫度的水先叫您沖洗一下,沖完涼就立即遞上熱茶及曲奇,小休15分鐘,RELAX一下。 如果香港的泰式SPA有呢個價錢同質素....就好喇!!! 休息完畢後,就到 香薰按摸及草藥熱球,都係由腳再按上身,每次按摸完一部分,技師便會用熱球係果PART到逐下逐下熱按,為怕太熱,她們都會先用毛巾按一次,先再用熱球直接接觸身體。呢個係第2個貼心呀!!! 最後頭部按摸同埋幫您[LOCK]下頸同腰,我聽到友人[刮喇刮喇]咁既聲,我們都忍不住笑了。做香港人,實在實在心身都太疲勞喇!! 做完整個SPA都已經夜晚8點幾了,係接待處會叫我地填寫返小小的意見書。 之後又可以去附近的夜市MALIN PLAZA,掃街~食食食~~只需要10分鐘的路程就到!好方便。當中特別推介------好正宗又好食的芒果糯米飯~~約HK$20元! 性價比極高!!! 今次雖是淺行之旅,但擁有半天女王式的享受,實在太太太太太開心! 有時旅遊的時間不理長與短,能夠樂在其中,拋開日常工作一陣子都已經很足夠了。 希望大家喜歡我今次的分享,如果你喜歡我的文字 ,請FOLLOW/繼續支持 生.活.尋. FI. 看.世.界