到東京旅遊前，相信很多人都會諗一句 [ 到底住新宿好定係住池袋好 ] ，由於新宿是東京的一線旅遊區，所以都比較多人，今次我住在近池袋的巢鴨站，雖然聽人講這裡是[老人的原宿 ] ，但決定感受這裡的古舊情懷，相信會有一番收獲。 我的酒店就在巢鴨的metro站附近，步行2分鐘就到。即使是JR站都只是行大約5分鐘就到，非常方便。(如想知道什麼酒店可以留言，在這裡先不賣廣告。) 晚上的巢鴨，車少，商店少，非常寧靜。巢鴨的夜景令人非常神往，好像有種即時Relax的感覺。 早上八時 ，車仍不多，相對新宿原宿，這裡份外寧靜。左手面會見到遠處有晴空塔，右手面的街道的商店上蓋是使用太陽能發電板，其實即使這裡被稱為老人區，但對於環保科技的發展都不輸給其他地區。 這裡的商店街的確似沒有太多年輕人到坊，但其實巢鴨地藏通商店街裡面隱藏了其中一個地標- 高岩寺。另外，行到咁上下又會見到郵局，外面的一個郵筒造型真的很可愛。 講到藥妝店，我比較過後，這裡的還相比新宿/涉谷的要便宜，所以每晚去了其他地區再回來都好，都可以繼續買買買。 講到食方面，其實cafe/sushi/居酒屋/鰻魚專門店...等等，只要你諗到都會有。 最中意的還是附近有個叫西武的supermarket，是24小時營業的， 又大又好逛，咩都有得買。最中意買定生果/甜品。特別要讚，巨峰提子真係冇得頂，一大盒都是560yen，咁抵去邊到搵。 晚上沖完涼當宵夜，望住個靚景，食完再訓，真係非常enjoy，呢種遠離繁囂的感覺，真係好難係香港搵到。 另外，要講到附近景點，莫過於地傑人靈的名勝-六義園，它在都營地鐵三田線「千石」下車步行10分鐘，即是巢鴨站下一個站，當天我是在巢鴨步行而去，其實都只不過約20分鐘就到，食飽了再行去當散步都不錯呢! 入場費是300yen，一入到去望到個靚境，一定會覺得值回票價啦! 湖的水清澈到見到倒影，雖然紅葉未開，但已經覺得個景真係好靚，11月去一定會更靚。 日本人真係好愛護自己的國家，所有保育意識都好強，成個環境冇咩垃圾之外，我見到d鴨仔係湖中游得好自在，鯉魚烏龜都好健壯，只可話能夠將每一個古蹟都保育得咁好，其他國家真係及不上日本。散步當中，見到不少一對對老公公老婆婆一齊散步，其實人老左，還有什麼可求 ? 有個伴，望住個靚景，寧願捨意又一天，何其享受呢。 經歷過今次，巢鴨-這個地方真的令我非常驚喜， 獨有的寧靜又令我叉足電! 希望大家喜歡我今次的分享，如果你喜歡我的文字 ，請FOLLOW/繼續支持 生.活.尋. FI. 看.世.界 下次有機會就再介紹下東京景點的最佳拍攝位置啦! 謝謝!
