踏入10月至11月都應該係去睇紅葉的日子! 但係點解我會POST 櫻花相出黎?!其實我一直好想分享我係日本打工時的日子同見到的世界! 平時都聽好多人講好想去東京呀, 大阪呀,沖繩等等的日本地方, 其實我好想介紹一下山梨縣有咩咁好有咩咁值得去呢! 當年我剛剛大學畢業就飛左去日本的山梨縣到工作( 絕對唔係工作假期WORKING HOLIDAY呀! 係真係有日本人請我過去打工呢!) 先介紹下山梨縣少少資料先, 佢係位於日本的最大島嶼-本州的中心附近。面積4,464.6平方公里，人口890,000，四周環繞著2,000-3,000米高的群山，自然資源豐富，78%的地方覆蓋著森林，有三座國立公園和一座國定公園，其中最為著名的是富士箱根伊豆國立公園。甲府市是山梨縣的首府，地處交通要道,連接太平洋工業區和日本海沿岸。而小Fi我當時就係甲府市住左一陣子呢! 四季分明的山梨縣, 優越的自然環境出產著名的葡萄、桃子和李子, 產量居日本之首且品質最優。用甲州葡萄釀製的葡萄酒更是舉世聞名。其實住係果到的每一晚, 我都日日食生果同有時一兩杯果酒,真係好新鮮好好飲,就算呢一刻講起我都好懷念呢! 至於交通點去, 同埋想知更多山梨縣的資料都可以參考以下網址,都幾齊全架! (其實去真係幾方便, 絕對建議中意影景影花的朋友可以一到果邊, 當然要簡3月尾至4月頭去睇啦!因為頭先都提過山梨縣都係四季分明的, 櫻花真係唔等人架,過左就冇得睇架喇!)http://www.yamanashi-kankou.jp/chinese_t/index.html 繼續講返正題同post 下相先, 以下所有照片都係我公司的附近一條行人路, 當時係老闆車我地一齊去睇,因為當年我呢個香港小妹妹的確冇見過真的櫻花, 所以去到望到呢個景況,真係覺得好震撼,又好開心! 會不禁咁: 嘩!!!!!!!!!!!!!!!!!一聲 風一直係到吹呀吹,櫻花就周圍飛,再望下地下,櫻花都鋪面成條路,真係好靚好靚! 以下呢兩個靚靚背影係我兩個又靚女又好nice的女同事, 都說日本人真的好識打扮同保養, 下次有機會再講下我點學習到她們的保養加美容心得, 所以其實去左日本住一排都幾有所得益呢! 哈哈哈! 附送一張我同我可愛的日本老闆合照! 呢條花隧道真的不得了! 如果係到影婚紗相又或者和服照,真係無憾呢! 可能好多日本的賞櫻地方都被旅客發掘左之後變到好多人去, 好難影到好多靚相,我相信呢到會少人去d !真係值得一去架! 今次純粹少少分享,如果香港有一個咁樣ge地方又寧靜又靚, 就算幾難去, 我都一定會係常客! 又或者就係一個令人留戀的地方, 先可以給自己更多藉口同動力一去再去! \\\\萌動了多少 歡與笑 抬頭淚眼覺悟甦醒一瞬 花 開 了/////
