平時真係極少回訪同一餐廳，會回訪嘅都真係好高質素🥹之前食過Granada by JW嘅晚餐一次，價錢唔平但真心非常值得，從佢哋每一道佳餚都睇得出主廚JO嘅用心創意，近期見佢地推出咗新menu，加上消費卷就出(問過餐廳唔收消費卷，不過我哋將會因消費卷手頭又鬆動咗)，就決定再去食(⌯¤̴̶̷̀ω¤̴̶̷́)✧點擊圖片放大 +20 餐廳門面較低調，裝修簡約卻坐得舒適(真心覺得經費都去晒食物上)，餐廳座位唔多，大約容納到10個人左右，以及餐廳只接受預約，想食嘅朋友記住提早預約！✦𝑺𝒕𝒂𝒓𝒕𝒆𝒓✦▫️酸種麵包·焦化洋蔥牛油（9/10）餐廳嘅酸種麵包繼續保持到出色水準，熱滕滕嘅麵包外脆內軟，包體有口感同時帶微酸，真係好好食；配搭埋由餐廳自家製嘅焦化洋蔥牛油，味道好層次，作為麵包控嘅我非常鍾意❤️▫️燒北海道帶子·黄梨汁·手指檸檬（8.5/10）黎覺北海道嘅帶子，經香煎後帶子邊帶點金黃，食起上黎味道鮮甜肥美🥰再配搭經發烤過嘅黃梨做醬汁，帶子面頭用上咗較少見嘅食材——手指檸檬，食落帶微香嘅檸檬味，更可突出到帶子嘅鮮甜♪▫️燒意大利粉紅蝦·佛手橘·蕃茄水·香茅泡沫（7.5/10）來自意大利嘅粉紅蝦，做法有啲似牛肉他他，蝦肉鮮嫩彈牙，混合埋山女魚籽，令蝦肉質感更有層次。醬汁方面就用上佛手橘加上蕃茄、香茅同青檸，味道帶微酸♥︎▫️是日廚師前菜·日本墨魚柳·羊肚菌·螢光尤魚（9/10）廚師會按照當日嘅時令材料而決定前菜，今次用上羊肚菌包住日本墨魚扒～墨魚扒經牛油香煎過，入口彈牙；羊肚菌口感爽嫩，同墨魚扒十分合夾😋底下嘅配菜則係切碎咗嘅螢光魷魚再配上黑蒜汁▫️挪威傲蝦脆卷·法國白露筍·蝦味薯蓉（9.5/10）挪威傲蝦經油炸，外層香脆但入面保持住龍蝦肉嘅鮮嫩；底下則係用上蝦汁製成嘅薯蓉，再配上切成粒狀嘅法國白露筍，呢個真心太好食喇🥹💓▫️燉和牛尾·藜麥茄子·黑蒜 +$140（8/10）主廚將和牛尾嘅骨頭拆去，提取當中嘅骨膠原再混合牛尾肉卷成卷狀再香煎，整個做法比較創新，口感軟淋，好重牛味卻唔帶騷味🥩 和牛面上則係茄子同藜麥，再淋上黑蒜汁同經熟成嘅芝士汁，整體味道十分豐富▫️鱗燒日本甘鯛•烤菜烏魚子醬 +$200（9.5/10）主廚用咗立鱗燒嘅煮法，將日本甘鯛表面淋上咗高溫熱油，令魚鱗片受熱後立刻豎起，食落酥脆香口，真 係 好 好 好 食❣️即時外層經熱油淋過，但入面魚肉都保持住嫩滑嘅口感，唔會變得乾身，係一道好考廚師手勢嘅菜式❤️我哋都真係好鍾意呢道，雖然要加$200都有啲貴，但真係物有所值！✦𝑴𝒂𝒊𝒏✦▫️烤法國有機鴨胸·紅梨汁（8/10）鴨胸肉經烤過令肉質呈粉紅色，表皮帶微脆，肉質嫩滑，油脂豐富，味道唔會過酥，配上甜酸嘅紅梨汁中和番鴨肉嘅油膩，好食又好match ჱ̒⸝⸝•̀֊•́⸝⸝) ♡▫️燒乾式熟成法國夏洛萊牛肉眼 +$250（9.5/10）來自法國嘅夏洛萊牛肉，係屬於較罕見嘅品種😳主廚上菜前有提及過肉眼係當地經過約28日嘅熟成步驟～今次我哋叫咗medium-rare，牛肉肉質呈粉紅色，因為熟成嘅關系，佢油脂分泌會較少，但肉質鬆軟但重滿牛味並保持住嫩滑😻食落口更會有獨特嘅牛肉味！平時酒店熟成牛動輒二千蚊塊，相比下呢塊好抵食，重點好好食，我哋都十分有驚喜🥰配菜方面則有經香煎過嘅薯仔同洋蔥✦𝑫𝒆𝒔𝒔𝒆𝒓𝒕✦▫️草莓提拉米蘇慕斯蛋糕 +$68（8.5/10）以提拉米蘇作概念，外層係奶香味重嘅慕絲，再包住內裡甜中帶酸嘅草莓果肉雪芭🍓毫無膩感，好啱作為飯後甜品 ✧*｡٩(ˊωˋ*)و✧*｡✦𝑾𝒊𝒏𝒆✦▫️法國Bourgogne White Wine剛坐低主廚就為我地開咗一支來自法國Bourgogne酒莊嘅白酒，味道偏果香味，清爽得黎較易入口✧ 𝟔 𝐂𝐨𝐮𝐫𝐬𝐞 𝐓𝐚𝐬𝐭𝐢𝐧𝐠 𝐌𝐞𝐧𝐮 $𝟗𝟗𝟖 ✧❥…整個晚餐保持住一貫水準，由設計每道菜式、挑選食材到烹調都感受到主廚Jo對食嘅堅持；每道菜上菜後主廚都會細心講解食材嘅產地同做法，更令我感受到佢對煮食嘅追求🫡📍Granada by JW (元朗)@granada_by_jw元朗安駿里2號怡康大厦地下14號舖.*""*.·°∴ ☆…·…·…·…·…·…·…· …·…·…·…·…☆·°*""*. 如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我以下嘅𝐒𝐨𝐜𝐢𝐚𝐥 𝐌𝐞𝐝𝐢𝐚🔸𝐈𝐠: 𝐅𝐢𝐛𝐞𝐞𝟑𝐛 @fibee3b🔸𝐅𝐛: 𝐅𝐢𝐛𝐞𝐞 𝐂𝐡𝐞𝐮𝐧𝐠🔸𝐘𝐨𝐮𝐭𝐮𝐛𝐞 𝐜𝐡𝐚𝐧𝐧𝐞𝐥: 𝐅𝐢𝐛𝐞𝐞 𝟑𝐁#foodhk #hkfoodie #ufoodphoto #hkppltravel #hkfoodblog #fineding #grandabyjw #元朗美食 #西餐 #foodblog #foodbloghk #foodstragm #foodporn #吃貨 #吃貨日常
