之前係銅鑼灣食過一次申子居酒屋後對佢念念不忘，近日係旺角買完野就順便去埋旺角申子店！幸好比較早到，6點到達可直接入座，餐廳分兩層，裝修以黑色為主，幾有格調，座位方面夠寬敞亦坐得舒服♡餐廳主打日本菜，由前菜、壽司、刺身到炸物、飯類都一應俱全，種類十分多，另外我哋去到先發現menu同銅鑼灣店係有分別（原本想叫番晒上次食過嘅），不過唔緊要可以試下唔同嘅野都好😋飲品方面有提供咗各色各樣嘅日本酒同無酒精飲品點擊圖片放大 +14 ◽️海膽炒飯 $238（8.5/10）上次銅鑼灣店食完覺得勁正！面頭除咗有鮮甜嘅海膽外，仲有魚籽、櫻花蝦、帶子同香菇等。所有食材撈埋一齊之後，每一啖飯都可以食到食材嘅鮮味，印象中銅鑼灣店嘅炒飯粒會更乾身，但旺角店都好好食，真係冇9分都有8.5，平時唔太食炒飯嘅我都清晒去🥰◽️汁燒蒜片牛柳粒 $128（9/10）好鍾意呢道！好好食，好少食到牛柳粒係唔韌夠腍身鬆軟，脂肪唔多但肉味濃郁😋燒汁濃味之餘夠曬惹味，個人覺得係必叫！◽️特製關東煮 $108（7/10）用上咗日本無激素雞湯去做湯底，食材就有魚蛋、蒟蒻、白蘿蔔、獅子狗同腐皮卷，味道屬正常發揮◽️蓬松玉子 $108（7/10）玉子面頭淋上咗特製日本醬汁同沙律醬，外層蓬鬆滑溜，而入面就流住軟綿綿嘅蛋漿，感覺有啲似流心蛋，仲會有啲拉絲芝士，食落味道蛋味濃厚 🥚 ◽️西尾抹茶凍鮮奶 $58(8/10)抹茶味回甘清澈，並用上3.6日本牛乳，個人覺得奶味偏重但唔會蓋過晒抹茶味，甜度約5分，呢杯好啱我口味我好鍾意🥰◽️蜜桃乳酸梳打 $68（7.5/10）香甜嘅蜜桃味再配上梳打水，確係唔錯📍 申子居酒屋 (旺角)@shinkohk旺角黑布街74-76號藝興大廈地下1號舖.*""*.·°∴ ☆…·…·…·…·…·…·…· …·…·…·…·…☆·°*""*. 如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我以下嘅𝐒𝐨𝐜𝐢𝐚𝐥 𝐌𝐞𝐝𝐢𝐚🔸𝐈𝐠: 𝐅𝐢𝐛𝐞𝐞𝟑𝐛 @fibee3b🔸𝐅𝐛: 𝐅𝐢𝐛𝐞𝐞 𝐂𝐡𝐞𝐮𝐧𝐠🔸𝐘𝐨𝐮𝐭𝐮𝐛𝐞 𝐜𝐡𝐚𝐧𝐧𝐞𝐥: 𝐅𝐢𝐛𝐞𝐞 𝟑𝐁我仲有個有得去旅行就會更新嘅youtube channel(*ﾟ▽ﾟ)ﾉ希望大家可以subscribe like 同comment比我😚💕#hkfood #hkfoodie #ufoodphoto #hkppltravel #ufoodvideo #foodbloghk #旺角美食 #旺角日本菜 #高質日本菜 #申子居酒屋 #海膽炒飯 #居酒屋 #吃貨 #吃貨日常 #foodphotography #foodporn
