即使係平日晚上，位卡上環嘅El vaso都勁full，開業冇耐已經非常高人氣，坐位唔算多，我哋亦只能門口坐路邊位置😣想食嘅朋友仔建議預早卜定枱～餐廳裝修偏歐陸工業風，當中更以紅階磚作為特色牆；主打正宗嘅西班牙菜，由small bites, cold/hot tapas到西班牙燴飯都有，種類十分多；另外店員更推薦佢地signature 嘅Homemade手工啤酒🍻其實我原本唔鍾意食正宗西班牙菜，但男友睇完youtube channel Flatout推薦後就好想去食，難得地男友有野想食當然要陪佢食啦( •̤ᴗ•̤ )♡點擊圖片放大 +13 *下列食物旁的括號分數及食後感，主要係屬於男友對菜式的喜愛度及感想◽️Iberico Ham $128 （8/10）黎到西班牙餐廳當然要食男友最愛嘅parma ham，呢個係黎自伊比利亞嘅風乾火腿；食落味道帶鹹香同時都充滿住豐富嘅油香，啱曬用黎下酒～男友大讚👍🏻◽️Pan Con Tomato $48（7.5/10）脆口嘅多士布滿住新鮮嘅蕃茄醬汁，味道幾夾，呢個我啱食🥰◽️BIKINI $99（8.5/10）香脆嘅多士夾雜住風乾火腿同黑松露芝士，兩者味道濃郁但同時唔會蓋過兩者嘅味道，再加上多士酥脆，配搭得好好～◽️Grilled Fish $400（6.5/10）當日嘅時令推介係多寶魚，餐廳用咗羅勒醬及忌廉淋係表面，魚肉嫩滑得黎結實，醬汁滲入咗係魚下嘅薯仔，整體幾特別◽️Seafood Pallea with Fresh Seafood of the Day $288（7/10）呢個西班牙燴飯面頭有兩隻新鮮大蝦同青口，燴飯入面有啲魷魚、蜆肉等，十分足料；蝦肉同青口食落鮮甜，而燴飯吸收咗海鮮湯嘅精華，食落較濕身◽️Chocolate cake with Passion Fruit Ice cream $78（7/10）最後以一個朱古力甜品作結尾。朱古力味道香濃，覺得有少少似tiramisu，口感則似慕絲；熱情果雪糕更可以中和番朱古力蛋糕嘅甜，呢個配搭唔錯◽️El VASO Beer $78（8.5/10）餐廳signature嘅手工啤酒，飲落帶花香味，苦中帶甜，好易入口，如果唔係我個胃狀態麻麻一定叫多杯💕🍻📍 El vaso de oro hk (上環)@elvasodeorohk上環西街44號地舖.*""*.·°∴ ☆…·…·…·…·…·…·…· …·…·…·…·…☆·°*""*. 如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我以下嘅𝐒𝐨𝐜𝐢𝐚𝐥 𝐌𝐞𝐝𝐢𝐚🔸𝐈𝐠: 𝐅𝐢𝐛𝐞𝐞𝟑𝐛 @fibee3b🔸𝐅𝐛: 𝐅𝐢𝐛𝐞𝐞 𝐂𝐡𝐞𝐮𝐧𝐠🔸𝐘𝐨𝐮𝐭𝐮𝐛𝐞 𝐜𝐡𝐚𝐧𝐧𝐞𝐥: 𝐅𝐢𝐛𝐞𝐞 𝟑𝐁我仲有個有得去旅行就會更新嘅youtube channel(*ﾟ▽ﾟ)ﾉ希望大家可以subscribe like 同comment比我😚💕#hkfood #hkfoodie #ufoodphoto #hkppltravel #ufoodvideo #foodbloghk #上環必食 #西班牙菜 #ElVasoDeOroHK #ElVaso #SpainTapasRestaurant #SpainRestaurant #BarRestaurant #Bar#西班牙小食餐廳 #西班牙餐廳 #44SaiStreet #SaiStreet #西街44號 #上環西街44號
