平日去咗銅鑼灣假日智選酒店2樓嘅萬鎔少館食晚餐。餐廳新開無耐,裝修帶有中國風且華麗,坐位寬敞舒服,另外仲有幾間獨立vip房,方便約埋一班朋友。點擊圖片放大 +15 餐廳提供咗各色各樣嘅特色粵菜,而今次我哋品嘗咗餐廳用心烹調嘅幾道美味菜式:◽️萬鎔四喜拼盤梅羔骨、蝦棗、蟹棗同油泡帶子四種食物放咗係一個精美嘅餐碟拼盤上,幾精緻;梅羔骨食落味道酸甜,肉質肥中帶瘦。帶子肉質肥厚,幾鮮甜。而蟹棗同蝦棗都炸得幾脆口,入面啖啖肉,真材實料◽️胡椒雞湯灌湯餃胡椒湯味道偏濃,飲落十分暖身!湯中材料豐富,有雞肉、紅棗等,當然仲有主角-鮮蝦灌湯餃,皮簿餡靚,入面有鮮蝦同蟹柳絲。餐廳仲好細心用白蠟坐熱住個燉湯,唔會好快涼❤️◽️菊花上素石榴球石榴球入面係素食嘅材料,有香菇、腐皮、 粟米同木耳等,味道唔錯◽️方魚芥蘭芥蘭新鮮,餐廳仲用上咗方魚乾同芥蘭一齊爆香,食落香口得黎幾爽口😆◽️黃金糖醋煎麵第一次嘗試到正宗中式煎麵,面層煎得黃金香脆,食落麵質就綿滑。食之前記住要要落啲砂糖同醋,除咗可以消除油膩感,更可令味道會更有層次◽️萬蓉班蘭糕味道幾香班蘭味,食落質感好似年糕,面層煎得幾香脆而幾煙韌,我覺得好似新年食嘅年糕,男朋友覺得好食📍 萬鎔少館 (銅鑼灣)@wanrongshaoguan銅鑼灣霎東街33號智選假日酒店2樓.*""*.·°∴ ☆…·…·…·…·…·…·…· …·…·…·…·…☆·°*""*. 如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我以下嘅𝐒𝐨𝐜𝐢𝐚𝐥 𝐌𝐞𝐝𝐢𝐚🔸𝐈𝐠: 𝐅𝐢𝐛𝐞𝐞𝟑𝐛 @fibee3b🔸𝐅𝐛: 𝐅𝐢𝐛𝐞𝐞 𝐂𝐡𝐞𝐮𝐧𝐠🔸𝐘𝐨𝐮𝐭𝐮𝐛𝐞 𝐜𝐡𝐚𝐧𝐧𝐞𝐥: 𝐅𝐢𝐛𝐞𝐞 𝟑𝐁我仲有個有得去旅行就會更新嘅youtube channel(*゚▽゚)ノ希望大家可以subscribe like 同comment比我😚💕 #萬鎔少館 #CWBfood #銅鑼灣美食 #銅鑼灣私房菜 #私房菜 #HolidayInnhk #銅鑼灣智選假日酒店 #hkfood #hkfoodie #ufoodphoto #hkppltravel #foodbloghk