平日放工後去咗銅鑼灣the Zing新開嘅 #山 食晚餐，餐廳屬日式木系風，舒適簡約又不失雅緻，仲有個露台位對正跑馬地，而食物都夠高質🤍 ▫️日本產雲丹拼盤（五種產地） 黎自日本5個不同產地嘅海膽，師傳別出心栽，會因應食材再配以不同配菜，令人食出細緻嘅分別，❤️最記得食到最後嘅根室有淡淡漬青瓜香，清新中帶鮮甜，非常正🥰點擊圖片放大 +23 ▫️廚師發辦前菜三點 以一個寶箱形式上枱，入邊仲有盞會發光嘅「海底明珠」，打卡度已經滿分💯前菜分別係燒過嘅帆立貝，貝下仲有片厚物嘅紫菜；另外生蠔及香箱蟹表面都有少量青檸啫喱，更令帶出食材原有鮮味，三點中我最愛香箱蟹，入邊有剝好嘅蟹肉同大量蟹膏，啖啖蟹膏蟹肉，美味又食得方便😋 ▫️蝦夷鮑酒蒸肝醬 黎自北海道鮑魚，仲有名為寶石巢嘅植物作為配菜，旁邊有枝好似香水咁嘅清酒，可以噴落食材上，令肉質細嫰呀鮑魚帶有淡淡清酒味♪ ▫️季節刺身五點 刺身會分兩次上枱，兩次都會有乾冰霧氣散發出黎，打到卡又令人賞心悅目✨刺身有深海池魚、油脂感較重嘅平政、仲有少量柚子皮呀帶子，充滿香油脂嘅中拖羅以及味道最濃嘅牡丹蝦 ▫️鱈場蟹亀甲鍋 食咗咁多凍野，就輪到呢個要暖住食嘅鍋，食完個人暖笠笠❤️ ▫️季節雪葩 中間有個混入青檸皮嘅柚子雪葩，清一清油膩感ʕ •́؈•̀ ₎ ▫️精選寿司五貫 進食次序由味淡至味濃：北寄貝、象拔蚌、金目鯛、池魚及我最愛嘅火炙大拖羅😙食到壽司時其實已經8成飽了！ ▫️A4宮崎牛厚燒 聖護院蕪菁牛肝菌 呢個有驚喜！咁多道菜中，我最愛嘅一道，牛屬於A4西冷部位，除咗肉味濃郁外，口感柔軟並帶豐富油脂，趁熱食我個人覺得真係超正🥹💓 ▫️特濃上海蟹拌後文稻亭 10年陳意大利黑醋 陳醋年份共有三款，分別係相對甜嘅十年、甜酸適中嘅5年及相對酸嘅3年；至於蟹羮混入公母蟹，保留蟹肉口感同時亦有蟹味，將滑溜嘅稻亭烏冬連同陳醋伴入蟹羮，真係好好食❣️ ▫️和風鮮果雪糕拿破崙 面層有黎自京都嘅士多啤梨，真係好清甜🍓中間嘅cream及椰子雪糕均加咗士多啤梨肉，以呢個甜點作為呢餐飯嘅尾聲實在太美好( ๑⃙⃘ˊᵕˋ๑⃙⃘ ) ❥…餐廳除咗食材新鮮，由製作及枱台擺盤上都好獨樹一幟，明符其實食得又睇得✨另外由此製作需時，成餐飯其實食咗3個鐘，所以大家要預留時間食；順帶一提侍應態度都好好，成餐飯都食得好開心滿足呢٩(ˊᗜˋ*)و ◾️山の御膳 $1688/位 📍山 (銅鑼灣) @yamajp.hk 銅鑼灣耀華街38號The Zing!15樓 .*""*.·°∴ ☆…·…·…·…·…·…·…· …·…·…·…·…☆·°*""*. 如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我以下嘅𝐒𝐨𝐜𝐢𝐚𝐥 𝐌𝐞𝐝𝐢𝐚 🔸𝐈𝐠: 𝐅𝐢𝐛𝐞𝐞𝟑𝐛 @fibee3b 🔸𝐅𝐛: 𝐅𝐢𝐛𝐞𝐞 𝐂𝐡𝐞𝐮𝐧𝐠 🔸𝐘𝐨𝐮𝐭𝐮𝐛𝐞 𝐜𝐡𝐚𝐧𝐧𝐞𝐥: 𝐅𝐢𝐛𝐞𝐞 𝟑𝐁 我仲有個有得去旅行就會更新嘅youtube channel(*ﾟ▽ﾟ)ﾉ希望大家可以subscribe like 同comment比我😚💕 #hkfood #hkfoodie #ufoodphoto #hkppltravel #hkomakase #omakasehk #廚師發板 #銅鑼灣美食 #銅鑼灣 #おまかせ #美味しい #日本料理
