✨將軍澳新開高質omakase✨ 假日去到將軍澳澳海南岸新開嘅赤本山食晚餐，已經預先book咗位，六點就可以直接入座～餐廳裝修以黑色木系為主，俾到人一種雅致嘅感覺✨店員安排我哋坐吧枱，可以坐到8個人～另外有獨立房同vip房，當中vip房仲設有獨立嘅壽司吧枱，最少8個人同埋設有minimum charge先可以book到😳點擊圖片放大 +24 餐廳有3個set，今次我哋試咗佢哋嘅「本」set，分別有前菜、刺身、熱食、8款壽司、卷物、熱湯同甜品。 ✦ 前 菜 ✦ 用咗盆景方式擺放4款前菜，好靚❣️廚師建議我地順序去品嘗： ▪️金平牛蒡漬：牛蒡同蘿蔔絲食落爽口，幾入味 ▪️醬油金菇菠菜：金菇同菠菜配上醬油同面頭嘅七味粉，味道層次豐富 ▪️佃煮南瓜：廚師用咗簡單方法烹調，希望帶出到南瓜本身嘅鮮味 ▪️炸沢蟹：經油炸嘅蟹仔食落脆卜卜，估唔到入面仲有啲蟹膏！ ✦ 刺 身 ✦ ▪️粒貝：切得較薄，但更可帶出其口感，面頭加咗檸檬汁同竹炭去帶出味道 ▪️香箱蟹：屬於一款雌性松葉蟹，正值其產卵期，所以蟹黃會較多。師傅用咗先蒸後凍嘅做法，面頭係蟹腳位，可以點少少醋食，而底部係蟹籽同蟹黃混合嘅蟹膏，味道鮮美😋❤️ ▪️膠鰈魚：由於同行友人唔食蟹，師傅特登轉做呢碟，用咗薄切嘅方式，加埋食用嘅紫蘇花一齊食，味道鮮甜但唔腥 ▪️鱈魚白子：鱈魚白子經高溫燒焰過，口感肥美爆汁，有啲似豆腐花，加埋酸汁啫喱同七味粉，味道更佳 ✦ 壽 司 ✦ ▪️真鯛：肉質肥美，味道鮮甜 ▪️金目鯛：本身金目鯛油份都重，但師傅仲用火焰再令油份更出，味道香濃。 ▪️深海池魚：食落口感較似油甘魚，幾香油脂味道💓 ▪️拖羅：屬於大拖羅部位，油脂較多，食落甘香😻 ▪️赤貝：師傅新鮮生劏赤貝，上枱前佢仲會收縮一下。食落味道幾鮮甜，肉質爽厚。 ▪️北寄貝：師傅高溫焰燒北寄貝嘅正反面，食落香口但肉質唔會「鞋」。 ▪️小白蝦：用上咗富山灣嘅小白蝦，口感豐富食落似蝦膠，味道鮮甜而濃郁 ▪️赤海膽：用上咗較珍貴嘅赤海膽，味道非常鮮甜同creamy，而且冇苦澀味🥰 ✦ 卷 物 ✦ 拖羅手卷：手卷用料豐富，入面包住咗拖羅蓉、蔥蔥、芝麻同千本漬。拖羅味道濃郁，入口即溶(∩´∀`∩) ✦ 熟 食 ✦ 西京燒銀鱈魚：師傅有別於坊間一般做法，用咗柚子去醃制，所以未食都聞到清香嘅柚子味。銀鱈魚肉質嫩滑，好香油脂味嘅同時柚子都解去咗本身鱈魚嘅油膩感，好好食♪ ✦ 熱 湯 ✦ 一碗熱辣辣嘅魚湯，味道鮮甜而且唔帶腥味，仲有一片魚肉🫶🏻 ✦ 甜 品 ✦ 熊本縣蜜瓜：來自熊本縣嘅蜜瓜，多汁得黎仲好甜美！ ✦ 清 酒 ✦ 大雪溪：雖然唔係名貴嘅清酒，但佢係受到六十幾位品酒師評審下脫穎而出嘅一支清酒。純於純米酒，味道清香，淡辛但較易入口，口感醇厚 ❥…可能因為地段關係，以呢個價錢食到咁多野食，仲要款款高質，真係值得入黎食❤️而且店內師傅定員工都好friendly好友善，我哋對食材有疑問都好詳細解答！ 🍣本set $1080 📍 赤本山 (將軍澳) @ankayama_hk 將軍澳至善街3號澳南海岸SAVANNAH Place地下G07A號舖 .*""*.·°∴ ☆…·…·…·…·…·…·…· …·…·…·…·…☆·°*""*. 如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我以下嘅𝐒𝐨𝐜𝐢𝐚𝐥 𝐌𝐞𝐝𝐢𝐚 🔸𝐈𝐠: 𝐅𝐢𝐛𝐞𝐞𝟑𝐛 @fibee3b 🔸𝐅𝐛: 𝐅𝐢𝐛𝐞𝐞 𝐂𝐡𝐞𝐮𝐧𝐠 🔸𝐘𝐨𝐮𝐭𝐮𝐛𝐞 𝐜𝐡𝐚𝐧𝐧𝐞𝐥: 𝐅𝐢𝐛𝐞𝐞 𝟑𝐁 我仲有個有得去旅行就會更新嘅youtube channel(*ﾟ▽ﾟ)ﾉ希望大家可以subscribe like 同comment比我😚💕 #hkfood #hkfoodie #ufoodphoto #hkppltravel #foodbloghk #將軍澳餐廳 #將軍澳美食 #將軍澳omakase #hkomakase #赤本山 #刺身 #壽司 #sushi #海膽 #hkfoodies
