星期日去到元朗劇院附近一間西餐廳食fine dining，餐廳較有隱世小店嘅感覺，門面同內裏冇好豪華嘅裝潢，取而代之嘅係較低調木系裝修 🪵 配上暖系燈光，幾有情調♥︎不過，餐廳唔接受walk in，想黎食嘅一定要提早訂位~今次我哋叫咗個6 course menu，另外亦有加錢叫多少少野食(ˊo̶̶̷ᴗo̶̶̷`)點擊圖片放大 +25 ✦𝑩𝒓𝒆𝒂𝒅✦上餐前店員會提供酸種餐包配牛油，麵包外脆內軟味道香濃，配上少少牛油，作為麵包控嘅我邊食邊讚，難得地餐包可以咁好味🥰✦𝑺𝒕𝒂𝒓𝒕𝒆𝒓✦▫️鵝肝凍•蜜梨檸檬啫喱豐美多汁，入口即溶嘅鵝肝配上餐廳特製經發烤過嘅蜜梨醬汁，減輕咗鵝肝嘅肥膩感，同時食出一種清新味▫️水牛芝士•蕃茄沙律屬於較軟身嘅水牛芝士，味道帶少咸，配上由西芹、青瓜等而製成嘅醬汁，味道同樣fresh🥒再配上來自意大利嘅白酒，白酒帶點花香加fruity嘅味道◽️燒北海道帶子•白露筍古魚汁餐廳用上咗北海道帶子，燒到半熟，再配上特別嘅古魚汁😋主廚係介紹呢個醬汁提及到佢係用咗一個偏北歐式嘅發烤方法去做呢個醬汁，味道複雜得黎較濃味，較適合配搭海鮮⁽ ´꒳`⁾◽️燒雅枝竹•火腿•黄油菌醬餐廳用上咗較少見嘅食材——雅枝竹，即係植物嘅芯部，經過炸同燒，令到味道較為甘甜🥰配上風乾咗嘅西班牙火腿同creamy嘅黃油菌汁，男友大讚好食！◽️煎日曬宮城牡蠣•芹根•魚子醬牡蠣為日本宮城生蠔，有別於一般做法，以較中式嘅日曬方式曬做金蠔，令蠔味更突出香濃，肉質就較軟綿，食落真係好蠔味🦪醬汁方面就以魚湯打成泡沫，加上少少魚子醬作點綴，真心非常出色！我勁鍾意呢個，係連麻麻地鍾意蠔嘅男友都覺得好好食🤤◽️燉南非大鮑魚•鮑肝芝士汁 +$200餐廳用咗南非大鮑魚，用上咗雞湯、火腿、瑤柱，再加清酒慢慢燉，令到鮑魚肉質淋得黎又夠入味，配上埋由鮑肝加些少wasabi而成嘅醬汁，creamy得黎帶微辣(∩´∀`∩)◽️燉日本八爪魚•醬油煙肉汁 +$180醬汁混合左日式同西式做法，只用煙肉加上日式醬油味醂等熬成，味道較濃；主角八爪魚以慢燉方式烹調，肉質較淋但不失鮮味🐙✦𝑴𝒂𝒊𝒏✦▫️焗智利白鱈魚•香檳汁 +$40用上咗智利鱈魚，肉身潔白，肉質嫩滑細膩🐟再配搭上香檳醬汁，帶點微微嘅檸檬香味▫️燒澳M4和牛臀肉蓋(風乾熟成) +$150和牛屬於澳洲m4和牛牛臀連接住大腿嘅位置——Rump Cap，我哋叫咗5成熟，肉色呈粉紅食，肉質較嫩，食落好香牛味；醬汁就係主廚自家調配，味道帶微酸，呢碟牛真係好好食🤤同男友一致認同出色過中環5星酒店嘅同價位牛扒 🥩 ✦𝑫𝒆𝒔𝒔𝒆𝒓𝒕✦◽️肉桂蘋果乳酪蛋糕 +$68最後以呢款肉桂蘋果乳酪蛋糕作整餐嘅句號💕肉桂味香濃，乳酪雪糕入面係滿滿嘅肉桂蘋果蓉，本身唔鍾意肉桂嘅我都覺得好好食♡雖然並非位於繁華市區，定價唔平亦冇好華麗嘅裝修，但食過呢餐後，覺得價錢可以話去晒食物到，整體食物都好好食而且質素高，成個用餐體驗都好好🥰主廚每上一道菜都會詳細介紹食材同做法，非常之好客！佢仲提及到menu會不定期咁轉，務求俾更多新鮮感大家，下次有機會一定會再回訪❤️✦𝑫𝒓𝒊𝒏𝒌𝒔✦▫️白酒 一杯係黎自意大利，味道較fruity，飲落仲帶點花香味，可以用黎襯托頭盤；另外一杯係黎自法國，同第一款味道唔同， 味道會帶少少咸度，可以襯托到味道較濃嘅菜式𝟔 𝐜𝐨𝐮𝐫𝐬𝐞 𝐃𝐢𝐧𝐧𝐞𝐫 $898/Person*另收加一服務費📍 Granada by JW (元朗)@granada_by_jw元朗安駿里2號怡康大厦地下14號舖.*""*.·°∴ ☆…·…·…·…·…·…·…· …·…·…·…·…☆·°*""*. 如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我以下嘅𝐒𝐨𝐜𝐢𝐚𝐥 𝐌𝐞𝐝𝐢𝐚🔸𝐈𝐠: 𝐅𝐢𝐛𝐞𝐞𝟑𝐛 @fibee3b🔸𝐅𝐛: 𝐅𝐢𝐛𝐞𝐞 𝐂𝐡𝐞𝐮𝐧𝐠🔸𝐘𝐨𝐮𝐭𝐮𝐛𝐞 𝐜𝐡𝐚𝐧𝐧𝐞𝐥: 𝐅𝐢𝐛𝐞𝐞 𝟑𝐁我仲有個有得去旅行就會更新嘅youtube channel(*ﾟ▽ﾟ)ﾉ希望大家可以subscribe like 同comment比我😚💕#hkfood #hkfoodie #ufoodphoto #hkppltravel #foodbloghk #香港美食 #元朗美食 #元朗西餐 #hkfinedining #grnadabyjw #私房菜
