之前食過次覺得幾高質，近日再次去到係銅鑼灣Towers535地庫嘅京都勝牛食晚餐😋餐廳環境舒適，店員都好細心講解餐廳嘅菜式。落單方面就轉左用qr code，非常方便！餐廳主打吉列牛，亦都提供其他豚肉同海鮮嘅菜式 點擊圖片放大 +14 ◽️自家制豚肉餃子 5隻 $52餃子外層煎成金黃色，食落脆口，而內餡幾足料，仲食到啖啖肉汁🥟◽️炸特選大海老 $52大大隻嘅炸大海老，外層炸得酥脆，蝦肉肉質結實🍤◽️京都勝牛雙味套餐 $168兩種牛分別係菲力牛同翼板牛，菲力牛肉質較柔軟，油脂較少，但牛味會較突出；而翼板牛油脂同肉較均勻，幾香油脂味🥰店員上餐前好細心咁提醒我地兩種牛都係3成熟，可以拎個鐵板俾我地自己燒熟啲再食( ˶ˊᵕˋ)੭◽️特選海產套餐(炸廣島蠔、炸大海老、炸鰻魚）$208坊間比較少見到炸鰻魚，所以就俾佢吸引咗～炸粉厚度啱啱好，緊扣住鰻魚，雖然鰻魚經高溫炸過，但都保持到鮮味，肉質軟腍😻兩隻廣島蠔都大大隻，食落好肥美！兩隻大海老外層炸得酥脆，蝦肉結實，仲要啖啖肉，好食！◽️士多啤梨沖繩黑糖雲呢拿雪糕 $58微酸嘅士多啤梨肉配上甜甜地嘅雪尼拿雪糕，面層仲有來自沖繩嘅黑糖汁，呢個配掂幾好食🍓◽️棉花糖雪糕 $58好啱打卡嘅一道甜品，外層係經過燒過嘅棉花糖，入面包住咗雪呢拿雪糕🍨兩者係口腔同時融化嘅感覺，我自已好鍾意食，唔捨得比男朋友食多啖添😝◽️白桃蒟蒻冰茶 $32白桃冰茶配上粒粒有咬口嘅蒟蒻，亦幾香白桃味。◽️芒果奇異果味有汽特飲 $36芒果碎粒加上奇異果味嘅有汽特飲，飲落幾清新，好啱夏日消暑飲。📍 京都勝牛 (Tower 535) (銅鑼灣)@kyotokatsugyu.hk銅鑼灣謝斐道535號Tower 535地庫B01號舖.*""*.·°∴ ☆…·…·…·…·…·…·…· …·…·…·…·…☆·°*""*. 如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我以下嘅𝐒𝐨𝐜𝐢𝐚𝐥 𝐌𝐞𝐝𝐢𝐚🔸𝐈𝐠: 𝐅𝐢𝐛𝐞𝐞𝟑𝐛 @fibee3b🔸𝐅𝐛: 𝐅𝐢𝐛𝐞𝐞 𝐂𝐡𝐞𝐮𝐧𝐠🔸𝐘𝐨𝐮𝐭𝐮𝐛𝐞 𝐜𝐡𝐚𝐧𝐧𝐞𝐥: 𝐅𝐢𝐛𝐞𝐞 𝟑𝐁我仲有個有得去旅行就會更新嘅youtube channel(*ﾟ▽ﾟ)ﾉ希望大家可以subscribe like 同comment比我😚💕#hkig #hkfood #hkfoodie #hkkol #hkblogger #hkfoodlover #hkinfluencer #京都勝牛 #日本和牛 #炸牛排 #壽喜燒 #香港美食 #銅鑼灣必食 #銅鑼灣美食 #日本美食
