平日放工約7:00去到位於i square 25樓嘅霸王川莊食晚餐，餐廳燈光偏暗有格調，幸運地坐到窗邊卡位，唔止能飽覽璀璨奪目嘅維港海景🌌坐位亦寬敞舒服，更重要係食物好有水準，絕對值得回訪！ 點擊圖片放大 +21 餐廳主打川菜，用上四川嘅食材，再配合新式粵菜烹調方法😋 ◽️八寶茶 好特別嘅茶，有紅棗、菊花、玄米、杞子等唔同材料，飲落清甜💕 ◽️北京烤鴨 半隻 $288（9/10） 片皮鴨皮脆肉嫩，鴨皮夠簿，而鴨肉味濃而不帶酥味，配合新鮮嘅青瓜條、京蔥條同片皮鴨醬，再用煙韌嘅薄餅包住黎食，齒頰留香！而且中間幾片只有皮不連肉，可以食到兩種風味，打緊文嘅我表示諗番都流口水🤤黎得必食，而且以呢個價食到真心物超所值！ ◽️霸皇小籠包 6只 $68（8.5/10） 小籠包塊皮真係超簿，一食落口肉汁就湧出黎😻肉餡彈牙，又係必食，我同男友都一致覺得非常出色！ ◽️紫蘇蒜香牛肉炒飯 $148（8/10） 炒飯炒到甘黃色而且粒粒分明，牛肉粒份量多，餐廳仲用左嘅紫蘇葉作為配菜，唔係講笑我哋食到個碟好乾淨，證明有幾好食🙈 ◽️濃湯茶樹菇翡翠苗 $138（7.5/10） 茶樹菇同翠苗新鮮脆嫩，而且吸收曬濃湯嘅味道，食落好夠味ლ(´ڡ`ლ) ◽️咱家擂沙湯丸 $65 （6.5/10） 湯丸面層係黃豆粉，外皮略厚但都軟綿煙韌；內餡則係黑芝麻餡，黑芝麻味道都算係香濃 ◽️拔絲士多啤梨 $168（6.5/10） 非常吸睛又好打卡嘅一道甜品🥰晶瑩剔透嘅糖絲包含著少許芝麻，糖絲拉得勁高，食落香甜且好有口感底部嘅士多啤梨則被厚厚嘅糖漿包住，想打卡一定要叫！ ❥…有啲估唔到呢個價位，除咗有靚景睇仲可以食到咁出色嘅川菜，真係有啲驚喜！佢啲主菜全部都好正，之後我都一定會回訪！ 📍 霸王川莊 (國際廣場) (尖沙咀) @sichuan_house 尖沙咀彌敦道63號國際廣場25樓2501號舖 .*""*.·°∴ ☆…·…·…·…·…·…·…· …·…·…·…·…☆·°*""*. 如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我以下嘅𝐒𝐨𝐜𝐢𝐚𝐥 𝐌𝐞𝐝𝐢𝐚 🔸𝐈𝐠: 𝐅𝐢𝐛𝐞𝐞𝟑𝐛 @fibee3b 🔸𝐅𝐛: 𝐅𝐢𝐛𝐞𝐞 𝐂𝐡𝐞𝐮𝐧𝐠 🔸𝐘𝐨𝐮𝐭𝐮𝐛𝐞 𝐜𝐡𝐚𝐧𝐧𝐞𝐥: 𝐅𝐢𝐛𝐞𝐞 𝟑𝐁 我仲有個有得去旅行就會更新嘅youtube channel(*ﾟ▽ﾟ)ﾉ希望大家可以subscribe like 同comment比我😚💕 #尖沙咀美食 #尖沙咀中菜 #Isquare #霸王川莊 #片皮鴨 #拔絲士多啤梨 #北京烤鴨 #foodphotography #hkfood #hkfoodie #ufoodphoto #hkppltravel #foodbloghk
