星期二晚去到位於尖沙咀嘅花晨月夕食Omakase，餐廳大概容納到10-12人，裝修走黑色日式設計，環境充滿格調別緻，令人放鬆舒適🖤適合慶祝及放工後食餐好♪ 晚餐有3個set可選擇，我哋揀左Sun同埋Moon set，兩個餐都有前菜、刺身、熟食、壽司及甜品，兩者有少少分別，Moon亦相比Sun豐富少少點擊圖片放大 +37 ☀️𝗢𝗺𝗮𝗸𝗮𝘀𝗲 𝗦𝘂𝗻 $𝟭𝟯𝟴𝟬🌙𝗢𝗺𝗮𝗸𝗮𝘀𝗲 𝗠𝗼𝗼𝗻 $𝟭𝟱𝟴𝟬✧依上菜嘅次序介紹✧◼️前菜師傅建議食嘅次序～先食 #青瓜啫喱 ，食落清甜；再到 #龍珠果 ，清甜得黎帶微酸開胃； 然後到 #水雲藻 ，柔軟而帶黏，同時亦酸酸甜甜；最後就係 #白梅貝 ，鮮甜並有咬口😋◼️佐酒芝士餐廳俾客人送酒食，雖然我哋冇叫酒，但就咁食都唔錯，好濃芝士味◼️刺身▫️𝗦𝘂𝗻#粒貝刺身 口感爽口彈牙，味道新鮮，貝面上有青檸柚子皮帶出清甜#日本生蠔 生蠔來自北海道，海水味淡，食落鮮甜肥美 🦪 #太刀魚刺身 魚身好似把刀而名命，肉質肥美，魚味教濃郁 ▫️𝗠𝗼𝗼𝗻#真鯛魚包海膽 面層有魚子醬，味道更有層次，而且上菜時好IGable，圓形玻璃碗上面冒出一大個夢幻氣泡，令人深刻嘅視覺享受✨#原隻紫海膽 夏天當造，同馬糞海膽相比較清甜，面層有餐廳自家漬嘅三文魚籽，好美味，而且成隻食得好滿足❤️#初鰹 擺盤好靚，餐廳事前先煙燻，味道較濃味，點少少豉油都夠味#金目鯛刺身 經過火炙令油脂香而不膩，同時亦充滿鮮味😻#雙色拖羅刺身 紫菜夾住兩種部位嘅拖羅，大拖羅燒過，由於屬魚鮫位，油脂十分香，而另一個就係中拖羅，呢個配搭真係太正😋◼️御料理#穴子冬瓜煮 類似鰻魚，比較細條而口感比較結實，魚鮮味較重；另外仲有類似腐皮嘅料理，食落比較滑身，以及一年艾草麵筋，幾有嚼勁◼️壽司#深海池魚 肉質爽彈，油厚油香😻魚味亦突出#象拔蚌 肉質爽口彈牙甜美#小白蝦 有富山縣海中寶石之稱，一件壽司就已經十幾隻小白蝦，食落非常鮮甜同creamy😋#帆立貝 師傅用左千切嘅方式，食落更有層次感，灑上青檸汁更帶出食材嘅鮮甜#鰈魚 魚邊位燒過，令油脂味更香，魚肉身亦有咬口#沙甸魚 會有少少碎骨，師傅因應我同男朋友口味唔同，做左兩種食法，因為我比較驚腥味，所以師傅以火燒沙甸魚，令油脂滲曬出黎，香而不腥；而第二種就保留生食端上，呢種食法更食到本身嘅魚鮮味#赤鯥魚 產地於高知縣，食落唔錯#安康魚肝配西瓜奈良漬 口感食落似有啲似芝士，食完齒口留香#大吞拿 我哋都覺得巨好食！入口即溶，冇得彈❤️#海膽 用上馬糞海膽相對濃郁鮮甜，口感嫰滑，份量非常大方，真係滿到瀉😻師傅仲另外俾左張紫菜我包住滿漏嘅海膽！P.S. Moon比Sun多一件小白蝦壽司 ◼️熱湯一個清甜嘅生紫菜清湯，入邊仲有少許豆腐，其實食晒啲壽司未飲湯己經夠飽了🙈◼️甜品◽️蜜桃啫喱： 啫喱配上兩片新鮮蜜桃，清清甜甜唔錯◽️ 開心果雪糕： 好開心係開心果味雪糕😻正呀❥…整體都好好，係一個完整令人愉快嘅Onakase體驗💕師傅員工亦好友善同m細心，師傳會主動介紹唔同食材嘅產地同食法，亦會解答我地唔同問題，而員工亦有禮且時常主動斟茶；除此之外，比較令我更體驗到師傳嘅細心，就係佢會因應客人口味對食材作出應對嘅調節☻呢餐確實對Omakase食材了解多咗，而且食得開心滿足ლ(´ڡ`ლ)以人均$1500左右入門價格黎講，由用餐體驗到食物質素都真心好好，有機會一定會再訪！📍 花晨月夕 (尖沙咀)@kino_hk尖沙咀赫德道2號金麟商業中心2樓.*""*.·°∴ ☆…·…·…·…·…·…·…· …·…·…·…·…☆·°*""*. 如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我以下嘅𝐒𝐨𝐜𝐢𝐚𝐥 𝐌𝐞𝐝𝐢𝐚🔸𝐈𝐠: 𝐅𝐢𝐛𝐞𝐞𝟑𝐛 @fibee3b🔸𝐅𝐛: 𝐅𝐢𝐛𝐞𝐞 𝐂𝐡𝐞𝐮𝐧𝐠🔸𝐘𝐨𝐮𝐭𝐮𝐛𝐞 𝐜𝐡𝐚𝐧𝐧𝐞𝐥: 𝐅𝐢𝐛𝐞𝐞 𝟑𝐁我仲有個有得去旅行就會更新嘅youtube channel(*ﾟ▽ﾟ)ﾉ希望大家可以subscribe like 同comment比我😚💕#foodhk #foodiehk #ufoodphoto #hkppltravel #foodblogger #omakasehk #花晨月夕 #尖沙咀美食 #おまかせ #お任せ#omakase #日本菜
