最近星期日約6點半，一行四人去咗位於元朗嘅大榮華酒樓食圍頭菜，當時大概8成滿座，雖然呢類咁傳統圍頭菜多數係上年紀人士先鍾意，但其實我都好鍾意食😋貪佢惹味邪惡好送飯(✽´ཫ`✽)當日仲見到老闆食神韜韜，好驚訝佢瘦咗超多，佢仲走黎推薦啲菜式比我哋！本身想合照但我怕醜又黎唔切反應🙈大榮華圍頭菜確實好好食，而且價錢相宜食咗咁多野都係人均$150，環境亦做到真正嘅傳統懷舊感，不過就同健康扯唔上咩關係，每道都非常油，而且都幾重口味同味精，亦因為每道都係咁，所以下邊唔每次都提及🙈點擊圖片放大 +12 ▫️圍頭五味雞 $100（7.5/10）見幾多人推薦，肉質好嫰滑而且入味💓雖然只有半隻但絕對唔會骨多肉少ദ്ദി ˉ͈̀꒳ˉ͈́ )✧▫️腐乳通菜牛肉 $100（7/10）炒得夠鑊氣，牛肉亦入味口感都幾軟腍，係幾好食😋如果腐乳味再出啲更正！▫️花膠雞絲魚肚羹 $100（7/10）估唔到又唔錯，早排食咗另一間價位貴少少嘅酒樓，但大榮華更好食▫️燒汁茄子牛仔骨 $100（8/10）有驚喜！平時啲牛仔骨都好韌下，但呢間相對好軟腍易咬，加埋炆得夠淋嘅茄子真係超級好送飯🥰▫️蘿蔔牛筋腩煲 $100（6/10）呢道失色甘少少😣啲牛腩有陣酥味，至於蘿蔔味道幾好，有陣薑味我幾鍾意（不過亦有同行朋友麻麻），係口感上覺得可以再炆得淋少少▫️豬油撈砵仔飯 $11（8/10）豬油加豉油撈落砵仔餅都就係邪惡地正😍如果唔係因為擔心心血管問題，我可以淨食幾碗飯！😹另外記得趁熱撈，會好食啲⸜( ˶'ᵕ'˶)⸝▫️紅豆沙 $0（2/10）附送嘅我冇飲到，但聽同行朋友講好難飲😹順帶一提，雖然酒樓經理比較有性格，但啲姐姐服務幾好，態度友善仲會主動收走骨碟嘅骨～❥…如果你本身唔鍾意油膩野，以及好注重服務態度（啲經理比較有性格😹），呢間就應該唔啱你～但你唔怕嘅，真係要試下，又平又正又食到傳統嘅味道😋呢間我一定會回訪，除咗呢啲圍頭菜，仲有啲貼地多人套餐，以及日抖有得飲茶，全部都好想食🥰📍大榮華酒樓 (元朗)@wingwah_hk元朗安寧路2-6號2樓.*""*.·°∴ ☆…·…·…·…·…·…·…· …·…·…·…·…☆·°*""*. 如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我以下嘅𝐒𝐨𝐜𝐢𝐚𝐥 𝐌𝐞𝐝𝐢𝐚🔸𝐈𝐠: 𝐅𝐢𝐛𝐞𝐞𝟑𝐛 @fibee3b🔸𝐅𝐛: 𝐅𝐢𝐛𝐞𝐞 𝐂𝐡𝐞𝐮𝐧𝐠🔸𝐘𝐨𝐮𝐭𝐮𝐛𝐞 𝐜𝐡𝐚𝐧𝐧𝐞𝐥: 𝐅𝐢𝐛𝐞𝐞 𝟑𝐁我仲有個有得去旅行就會更新嘅youtube channel(*ﾟ▽ﾟ)ﾉ希望大家可以subscribe like 同comment比我😚💕#hkfoodie #foodblogger #yuenlong #hkfoodblog #中菜 #大榮華 #大榮華酒樓 #元朗美食 #傳統美食 #香港傳統 #香港懷舊 #圍頭菜 #圍村菜 #chinesefood
