平日放工後，去左位於灣仔新鴻基中心一樓嘅Sukiyakiya食晚餐，去到時候未夠7點，可以直接walkin，之後就越黎越多人😳餐廳裝修以和風為主，環境舒適，感覺好似番左日本咁🤍 餐廳主打正宗關西式壽喜燒，即係先燒後落湯嘅食法，Menu會有3款日本產嘅黑毛和牛，另外仲有款德島縣雞肉。今次我地就揀左A3同A5和牛壽喜燒套餐，整體好正❤️點擊圖片放大 +13 ◽️日本產特撰黑毛和牛 $689 ◽️日本黑毛和牛(赤身肉) $529 每款套餐都會有4款前菜，主食，野菜鍋同埋甜品🍮 🔻前菜 ◽️日本產蕃茄併沙律菜 餐廳採用左日本靜岡縣阿美娜蕃茄，甜度比平時蕃茄更甜而且好juicy，蕃茄底仲有啲沙律菜🥗 ◽️三文魚子生蠔 肥美嘅生蠔上放左三文魚子同可食用嘅花瓣，非常精緻，而且食好落鮮甜😻海水味淡，真心好正🦪 ◽️和牛他他 牛肉他他面上有鵪鶉蛋黃加上開心果碎，攪勻後令到和牛他他食落非常嫩滑😋男友不斷大讚好食 ◽️柚子蘿蔔漬物 柚子汁既蘿蔔漬物，好開胃，店員會建議我地唔好一次過食曬，可以留番之後食兩款和牛作清新口控用！ 🔻主菜 ◽️日本產特撰黑毛和牛 A5級嘅和牛，油脂分布會比較多，肉色呈粉紅色～店員會推薦煎得熟少少同埋先食A5級和牛再食A3，佢哋仲會好細心幫我地用和牛油煎香隻鑊，再將牛肉一塊塊咁煎，上碟俾我地用餐🍽 和牛食落油脂味極香，嫩滑嘅肉質更有種入口即溶嘅感覺。再配上餐廳特登係日本引入，同蘭王同級數生雞蛋，嫩滑程度更上一層樓😋男友表示冇得彈 ◽️日本黑毛和牛(赤身肉) A3級數嘅和牛，顏色較紅潤，油脂分泌明顯比A5級少，但店員有講解呢隻牛肉係食佢種牛味，而且唔洗煎得太熟，略生更會食得出佢種牛香味😻我地揀左4成熟，食落口明顯油脂感唔多，牛肉肉味就非常明顯，再撈一撈蛋黃，嫩滑感更多，我個人更鍾意赤身和牛(✿´༥`✿) ◽️野菜鍋 餐廳用左鰹魚汁同壽喜燒汁作湯底，味道香濃。野菜嘅種類豐富，有大蔥、豆腐、娃娃菜、南瓜等。蔬菜食落好新鮮，吸收埋湯底，超入味。另外仲有烏冬，都好掛汁，食落幾有口感。 ◽️甜品(抹菜蕨餅，十勝紅豆，和菓子，掛川茶） 店員建議我地先食抹茶蕨餅，和菓子，最後先食紅豆，咁個甜度就可一級一級上❤️蕨餅食落煙韌，幾香抹茶味；和菓子上面都有片食用花瓣，幾好食😋而最後嘅十勝紅豆甜度十足，好滿足！另外仲有杯掛川茶，飲落甘甜，可一解成餐嘅膩感 餐廳除左食物高質，店員服務態度都十分好，每種食物都會講解清楚，係一個好好嘅用餐體驗，有機會都會再黎用餐(✽´ཫ`✽) 📍 SUKIYAKIYA (灣仔) @sukiyakiyahk 灣仔港灣道30號新鴻基中心2樓2A-1鋪 .*""*.·°∴ ☆…·…·…·…·…·…·…· …·…·…·…·…☆·°*""*. 如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我以下嘅𝐒𝐨𝐜𝐢𝐚𝐥 𝐌𝐞𝐝𝐢𝐚 🔸𝐈𝐠: 𝐅𝐢𝐛𝐞𝐞𝟑𝐛 @fibee3b 🔸𝐅𝐛: 𝐅𝐢𝐛𝐞𝐞 𝐂𝐡𝐞𝐮𝐧𝐠 🔸𝐘𝐨𝐮𝐭𝐮𝐛𝐞 𝐜𝐡𝐚𝐧𝐧𝐞𝐥: 𝐅𝐢𝐛𝐞𝐞 𝟑𝐁 我仲有個有得去旅行就會更新嘅youtube channel(*ﾟ▽ﾟ)ﾉ希望大家可以subscribe like 同comment比我😚💕 #hkfood #hkfoodie #ufoodphoto #hkppltravel #ufoodvideo #foodbloghk #香港美食 #日本美食 #壽喜燒 #SUKIYAKIYA #關西壽喜燒 #黑毛和牛 #日本餐廳 #日本料理 #灣仔美食 #灣仔必食 #fibee_sukiyakiya
