好耐無帶兩個大帝去行山了。 早排見幾好天，天氣好似涼涼地，所以去黃牛山打個卡先。 搭的士係黃泥頭巴士總站落車，就會見到條梯級，沿住水泥路行會見到個路牌往花心坑方向，然後繼續向上行，會接上另一條小徑，然後向右手邊一直行，行無耐就會見到係左手邊有條小路上，沿住條路一直向上行，就會到達起點Lu。 一開始行錯路，不過照影張相留念下。哈哈 跟指示牌向石芽背出發 睇下佢幾開心 到達石芽背了，坐低休息下食個包飲啖水先。 隱約係左手邊會見到有條小路上山。 沿途風景都好開揚，上走不久會望到沙田一帶，繼續向上行，會見到好多芒草。 差唔多到頂個段路會比較斜及有沙石。 到達黃牛山了 點擊圖片放大 繼續向前走，落斜向水牛山進發。 到達水牛山後，向右手東脊既岩石頂方向行，會見到好多大石頭。 往芙蓉別既路就係正正係石頭既後面。 向下走到芙蓉別後，有分叉路及指示牌，可以向右手邊行走回起點。 或者可以行三塊田路線往白沙灣走。 ＊＊上到山後路線唔算清晰，要小心多加留意＊＊
