記得大學畢業旅行的歐遊之旅說好不要去瑞士，因為瑞士實在太貴，連窮遊的資格也沒有:P。好了，出來社會工作數年後，終於正式要踏足這個天堂了。其實都是半窮遊狀態hahahaah，每人大概洗費只是平均HKD$6500 (不包機票價格，但酒店、門票、車票、洗費等全包）。 最後，Grindelwald、The First、Blausee 藍湖、馬特洪峰、超級滑梯都成功去到了，我覺得自己的瑞士之旅也很完滿了♡ - Day1: Zurich 由於搭完長途機關係，都只是四圍行下，全部都是可步行距離~ 主要的幾個大景點幾乎都圍繞在利馬特河的兩岸邊，以及教堂附近的小巷老城區。 Day 2: Zurich --> Grindelwald (w/ saver day pass) 呢日我地就開始左Grinderlwald 3日2夜之旅，我地一去到擺低左行李 (酒店就係係車站隔離, 超級方便我地周圍去!)，就出發去LAUTERBRUNNEN 瀑布鎮（因為要善用Saver day pass). 瀑布鎮有D冰島既感覺，留左好耐先捨得走haha Day 3: Grinderlward -The First!!! 我黎Grindelwald 的重點就是上the first 睇風景！藍天白雲下她實在太美太美，所以我一定會為 The First 獨立出篇文:P Day 4: Grinderlward —> Zermatt - 馬特洪峰 Gornergrat 360 (w/ saver day pass) 一早就從grinderlward 出發，因為去zermatt 要不停轉車轉車。係Zermatt住既地方是比較山上的，因為可以係露台就望到馬特洪峰(Matterhorn)全相！所以拎住行李絕對需要搭車，個陣因為唔知巴士站係邊既關係，搭左的士！放低左行李後，就行翻落去搭馬特洪峰登山鐵路（Gornergrat）。上到去真係天堂呀，超近距離望住Matterhorn，嗚呀！本身其實plan左去埋Riffelsee睇Matterhorn倒影，可惜仲有好多雪，我地完全無裝備就唔敢行了。 Day 5 Zermatt - Furi 小鎮 其實本身係plan左五湖健行，但個日落雨同山上仲有雪未有條件行住，所以我地就去左FURI小鎮。小鄉鎮Furi距離Zermatt約一小時45分鐘的步程，我地去程就搭纜車上去，回程就步行落黎，景色優美，路途中仲會見到小黑羊呀。 Day 6 Zermatt — > Kandersteg (w/ saver day pass) 離開了 Zermatt，我地就往瑞士最後一站出發- Kandersteg。Kandersteg 可能你唔知係咩黎，但Blausee 藍湖你就絕對聽過。Kandersteg 就係 Blausee 藍湖所在地，而呢到不是只有Blausee 藍湖，還可以搭纜車上Oeschinensee湖，同埋有可以欣賞阿爾卑斯山美景的超級滑梯啊♡ Day7 Kandersteg —> Bern —> Paris 最後一日在瑞士了，在Bern轉車，出發去Paris了♡ - 住宿： Zurich - Airbnb (HKD$1200 - 1 night) 呢間是住過咁多間airbnb最特別體驗既一間，因為同屋主一齊煮飯食（其實主要是屋主煮:P), 飯後大家仲一齊唱歌 haahah Grinderlward - Derby Swiss Quality Hotel (HKD $2500 - 2 nights) 地點勁好，就係車站隔離，最岩周圍走既我！房同露台都很大，HKD＄2500 兩晚兩人我覺得幾不錯。 Zermatt - Airbnb (HKD $1900 - 2 nights) 呢個住宿係比較偏遠，當初都有猶豫應該住翻車站附近係咪好D，但日出同星空下既馬特洪峰(Matterhorn)又好吸引，最後發覺住咁遠真係好值得！同埋有得煮野食又加左分了。 Kandersteg - Chalet-Hotel Adler (HKD$1000 - 1 night) Kandersteg 只是一個小鎮，基本上好多人睇完藍湖就走，所以成個地方都唔多人，我個陣發現呢到住宿又幾抵所以留係到一日 haha 間房都唔錯，入面仲有個按摩浴缸！ - 回來後有人問我點解唔去少女峰，首先我係Grinderlward得一日係超晴天，係The First 同佢之間，我選擇左The First。而且我覺得自己都會去馬特洪峰(Matterhorn)，所以我就決定放棄少女峰了。到左呢一刻，我仲係覺得自己選擇得很好，付出昂貴票價就只是為了在山上與瑞士國旗拍一張照，個人覺得不太值得啦 hahaah !另外呢，在Swiss Pass 與 Half Fare card 中，我最後選了Half Fare card 的（係Klook 買既)。因為Half Fare Card 配合住 Saver day pass , 同咪愈早買saver day pass係愈平架（60日前就可以上網買了！要留意網上既車票價，已經係用左半價咭既價錢，半價卡未到手都可以買架） 當然啦，如果你想係行程上多D彈性既話，當然是Swiss Pass比較好。 同埋，一定要DL SBB app, 睇住佢完全搭車超容易！ - 好懷念瑞士啊♡ ——————————— more__: FB: 旅行才是正經事 - FFwanderlust IG: ffwanderlust
