不知不覺間仲有2個月就2019啦，相信有好多人都想離開香港去個跨年旅行～ 由2014個年起每年都會離港倒數，其實每年去完都覺得留係香港可能仲好，因為香港其實幾有節日氣氛！不過都係個句，難得有假，而且除夕通常比聖誕平d ，梗係飛左先啦 。emmmm, 今年2019 反而未諗，有咩地方去好？:P - 2018·羅馬 終於衝出亞洲，去外國倒數啦！講真，氣氛係好有的，係鬥獸場睇煙花wo! 不過佢d氣氛屬於痴線級別!! 煙花係無處不在，隨時就係你隔離放，仲要唔通知你， 成日聽完炸炸聲後就有人大叫 （係驚個隻大叫-_- 同bibu聲） 搞到個人超級神經緊張，同埋係超級超級多人的，所以要極高警覺。 但係其實都係民眾自發性，唔會有個d 官方倒數活動, 之後又勁混亂, 地鐵站明明比人入去，但入完之後又封左站，出翻去連條路都封左，要人爬牆上去, 最後索性行30分鐘翻酒店。而且個陣條街仲係好熱鬧咁，所以唔駛擔心:P Emmm 都係一個人生難充既回憶黎既~ 不過帶小朋友既話就唔建議了，當然啦如果你有錢可以book間有rooftop既酒店可以望住鬥獸場個邊的。 * 2017·上海 本身諗住去外灘，但個排空氣污染都幾嚴重，而都無咩好睇。而且聽講連煙花、倒數都無，以前發生過人踩人事件，所以自此上海都無咩正式既慶祝活動～最後留左係hostel同一班唔識的人過了一個快樂的跨年趴^^ 2016·台中 「台中好跨年」個年台中係用呢個slogon宣傳的, 於是好順理成章地我就參加了台中誇年晚會(免費的), 在台灣體育運動大學體育場舉行（有位坐的），仲要就係我地住既地方附近。晚上7點就開始架啦，個年有袁詠琳、徐佳瑩、陳勢安...... 倒數個刻個壓軸時刻就係叮噹啦，相比起前兩年係日本、韓國跨年，今次台中感覺親切好多^_^ 仲有煙花放架。個陣倒數完，附近夜市都仲繼續開，好滿足！ * 2015·東京 好多好多人都會選擇去增上寺跨年，我地都諗過去定唔去，但我地對聽108下鐘聲無咩興趣，又唔想去到同人逼，加上想聽日早起排福袋 於是我地去左台場一帶倒數(aqua city個頭），煙花就無啦，不過周邊d建築物會著哂燈，10、9、8、7.... 一直咁同你倒數落去，周邊都幾多人。 其實去日本倒數最重要是1月1日的各大公司出既福袋（買個時覺好抵好抵，emm真心好抵的，不過其實有一半都未必真係鐘意:P)當然，跟日本人習俗，新年要去神社行一行敲一敲鐘，求個好年 如果不怕逼，買到票既話不妨去東京迪士尼樂園，會有倒數活動架，仲可以玩到第2朝7點。 * 2014·首爾 係弘大倒數，完全唔知自己做緊咩，鋪頭又閂哂，個陣既韓國仲要好涷，相信有好多人都係落左 club 既，結果我地就同街邊唱歌的人一齊倒過左呢個0時0分, 之後就去左間cafe食個蛋糕慶祝新年 - 最後祝大家有個愉快的跨年旅行啦^^ ---------------------------------------------- 想看更多： IG：www.instagram.com/ffwanderlust FB: www.facebook.com/ffwanderlust
