冰島!!one of my bucket list ✔️!8月雖然沒有極光 ,但相反地是冰島旅行旺季,因為呢個天氣是全年最好時間,不太冷也不熱和充足日照,享足美好的盛夏時光。 - •Day 1 機場 —> 市區(住: hlemmur square) 一出機未拎行李前,就可以行duty shop 同好多餐廳,反而拎完行李出到去就無咩野食,得間donut同便利店-3- 唱埋錢食左少少野就等之前網絡上買好的車去hostel 了,去到市區都8點幾9點, hostel 門口剛剛有一個站:D •Day 2 Laugavegur購物主街—>[跟團]黃金圈一日遊: 國家公園(Þingvellir National Park)—> 間歇泉(GEYSIR)—> 黃金瀑布(GULLFOSS)—> 馬鬃瀑布(Faxi) 事關我地join 左個團是1100出發,訓到自然醒後,就去hostel 附近行行(hlemmur square位置超好,過一條馬路就到Laugavegur購物主街)。記憶中當日體感溫度只是5度 ,其實有D估唔到冰島的夏天就係香港最涷個D日子,所以拿拿林買了頸巾同冷帽旁身:P! 之後最主要都是去 BONUS小豬超市(窮遊冰島的好朋友XD),買左D 三文治做當日午餐同買左D意粉留翻夜晚翻黎煮!擺底D野就去等車啦(第2樣大推呢間hostel,就係佢既門口已經是接送點,超方便!) 呢個tour算是不錯的,導遊好有心,有時見我地比集合時間早到左,佢仲會帶我地去D秘景!!全程車有wifi, 仲有部ipad俾你簡多國語言聽! 大概8點左右就翻翻hostel了。 •Day 3: 雷克雅維克(Reykjavík)市中心一日遊| 哈爾格林姆教堂Hallgrímskirkja (記得登頂呀,望住下面d小屋好似lego咁覺得好正!)—>托寧湖Tjornin (浴路一直行有個vistor center,係入面睇鴨鴨都可以架) —>食最好吃的熱狗鋪(講真,我覺一般:P) —>Harper 音樂聽 (入面影相大推!) —>太陽航海者—> 晚餐(HLEMMUR – MATHÖLL +SVARTA KAFFID 聲稱best soup of town) 其實成條路都係步行皆可,中途累咪係visitor center/ harper 坐坐,不用捱冷添。 •Day 4 & Day 5 [跟團] 冰島南岸2日1夜遊 | (Day 1) 超美瀑布、 冰川徒步、黑沙灘 (Day 2) Jökulsárlón glacier lagoon 傑古沙龍冰河湖 + 遊船體驗 呢個團真係大推大讚 !所有景色都一流,冰川徒步同冰河湖遊船經驗簡直是難忘,仲要領隊同司機都超級好,等我再寫多篇分享呢兩日,實在太多相,太多野想講了! •Day 6: Reykjavík市中心+第2朝早機又唔想訓機場之酒店推介| Perlan 珍珠樓 (門票1900ISK: 可看360全景+有個冰洞參觀+有d生態展覽館參觀)*harper音樂廳有free shuttle bus來回Perlan—> 慢行Laugavegur購物主街(好多特色小店)+食Ostabudin 當地最好吃的魚料理餐廳 —>回酒店拎行李去住機場附近的酒店:the base hotel (因為第2朝600am機lol, 酒店有車去機場大概10分鐘車程) 第2朝去到機場發覺所有duty shop 都開哂了,大家可以作最後衝刺XD – 最後分享埋我地冰島的洗費單 : 由於我們是從 Ireland- dublin 出發的,所以機票就不計算在內了,我們總開支大概是HKD$17000 兩個人,個人消費其實只佔$4000( 6日內只外出食了3次lunch, 1次dinner, 其餘都是從超市買野翻hostel煮:P)。最主要開支真係係哂住宿,同tour到 lol 住宿: Hlemmur square (4晚total $4610 HKD |3晚住2人房, 1晚住10人dorm) Base Hotel (1晚兩人房$935HKD) [其實住宿呢到早book係可以慳好多的,我好遲book:P , airbnb普遍黎講都係平d既,但見有d又唔近d接送點,又無廚房~ 廚房是十分十分重要對窮遊的我們來說~同埋我中間有個2日1夜tour, 好多都話唔俾擺行李] tour: 兩日一夜南岸團 包兩人房(€393/1,連埋租行山鞋費用) 黃金圈一日遊(€47/1) – 有人話冰島要好貴,所以卻步,即使今次真係無咩買野,無咩享用靚餐廳,但在這廿幾日歐洲旅程中,最最最深刻同開心一定係冰島,望住佢D景真係好滿足! 不過有個小遺憾就係無去到藍湖,留翻個藉口下次再去 (去藍湖最好是第1日或最尾1日去,因為機場去藍湖只需20分鐘架咋,十分方便!) #iceland ———————————————- 想看更多: IG:www.instagram.com/ffwanderlust FB: 旅行才是正經事 – FFwanderlust