一直都好鐘意天空，好鐘意搭飛機坐窗口位望住個天望住d雲, 終於終於黎左離天最近的國度啦～ 行程： Day 1-2 : 西寧－拉薩 (22 hours 青藏列車) + 夜遊布達拉宮 Day 3:拉薩-羊卓雍措湖-江孜 (景點:岡巴拉山、羊湖、 遠眺卡若拉冰川、江孜古城） Day 4: 江孜—日喀則—定日 （景點:白居寺、 帕拉莊園 、扎什倫布寺） Day 5: 定日—珠峰大本營(最難忘既星空呀） Day 6: 珠峰—日喀則 Day 7:日喀則－羊八井—納木措 (景點：念青唐古拉山、那根拉山 、納木措湖） Day 8: 納木措—拉薩 Day 9, 10 :拉薩 (拉薩雪頓節) － 1.<<點樣應付高反>> 『平常心！平常心！平常心！』(很重要所以 講三次！） 第一日到同同行朋友都好緊張，又話洗唔洗頭沖唔沖涼好，結果個晚就應該係有少少高反，好頭痛訓得好差下！之後果日開始決定唔諗咁多，高反都會繼續玩架啦HAHAAHA 結果我再無出現過任何高反反應了，就算上到最高既珠峰大本營都無事。但第一日到都係唔好洗頭啦，同唔好沖咁熱同咁耐既涼。 不過都強烈建議大家事前食完紅景天啦，紅景天膠囊同紅景天口服液兩者中，我會簡口服液。因為我個款膠囊係一日三次，一次兩粒-_- 我食左兩日都已經頂唔順，食到好多病人咁～ 如果去到真係有高反，就盡量俾自己休息下，食粒panadol，放鬆自己。（不過都聽過高反個隻頭頭，食panadol係無咩用既，但咁岩我地一團友覺食左又真係幾work wo) 仲有記住呀 真係唔可以急 ！行樓梯真係一層都覺辛苦，記得有次要拎住行李行三層樓梯，結果我地一翻到房嗌哂救命，大家都要抖陣先HAA 2.<<在西藏費用？>> 包車價格CNY 21500/車 （8人車) 西寧--拉薩的青藏列車： 軟臥票價CNY800/人 硬臥票價CNY 500/人 (千奇千奇唔好慳個300蚊人仔，軟臥是必須的！） 景點費用: 大概 1500/人(包預約布達拉宮參觀門票） 住宿：平均200-300一晚 3.<<住宿及餐飲條件如何？>> 說真的，呢幾日完全降低左自己對住宿要求，只求乾乾淨淨的，住宿大概200-300一晚。洗澡方便，忠告提議，有水沖涼就盡量要沖，記住珠峰大本營、納木措都係無得沖涼的。仲記得有一日沖沖下涼無熱水，結果就係6，7度下硬著頭皮沖埋佢。。。結果每次有個熱水涼沖都覺自己好幸福。 餐飲方面，藏餐、酥油茶、糌粑，對我黎講.... 真係一個大大大沖擊！羊肉真係食兩三日還好，食左十幾日就有D辛苦了~ 我現家翻到香港都已經唔想食羊了：P 仲好記得翻到拉薩市區，我地見到KFC，BURGER KING好興奮HAAAHAA 仲食左好好味既廣東菜！ 4.<<洗手間問題？生理期問題？>> 沿途洗手間不多，仲要真係唔好奢求D咩，唔臭、無蒼蠅已經要接受架啦，有水沖廁、有得洗手真係要感恩。 生理期呢樣野真係控制唔同，我同朋友係西藏既生理期都亂哂，一個早左好多，一個就遲左，但好彩的是流量係勁勁勁勁少的，我問過幾個朋友都係差唔多情況，所以都還可以接受既，不用過份擔憂・ 5.<<網絡如何？>> 沒有4g的，中國移動接收比中國聯通好。網絡是比較不穩定的，不過大部份賓館都有WI-FI的。 ------------------------------------------------------- 想看更多： IG：www.instagram.com/ffwanderlust FB:旅行才是正經事 - FFwanderlust
