點解會帶屋企嗰兩個小鮮肉去上兒童劍擊班學劍擊？因為呢兩個小鮮肉喺屋企好精力旺盛，成日喺度走嚟走去，兩個又好鬼鍾意打嚟打去，所以媽媽就話不如帶佢哋試下去報名參加兒童劍擊班學劍擊，等佢哋兩個小鮮肉可以發洩一下多餘嘅精力。小鮮肉嘅媽媽好鬼醃尖，所以試過好多唔同嘅兒童劍擊班，想揀一個最好嘅兒童劍擊班畀兩個小鮮肉好好學劍擊，最後奄尖嘅媽媽揀出咗4個比小鮮肉試完覺得唔錯嘅兒童劍擊班。 第一名：劍擊Formula點解媽媽會帶小鮮肉去劍擊Formula參加兒童劍擊班？主要係因為媽媽喺網上面睇過劍擊Formula個劍擊教練嘅網上教學， 覺得佢講解得唔錯，所以就帶咗兩個小鮮肉去試下上兒童劍擊班堂。因為兩個小鮮肉之前已經參加過其他兒童劍擊班，所以我哋成家第一次去到劍擊Formula嘅時候，係覺得嗰度畀其他劍擊班寧靜，因為通常其他劍擊班都係一大堆學生聚埋一齊好嘈，但係劍擊Formula就唔係咁，佢有獨立嘅課室去畀學生上兒童劍擊班，所以就唔會怕好似其他地方兒童劍擊班咁樣，小鮮肉比第二班兒童劍擊班嘅同學嘈到專心唔到，呢個係大大加分嘅一個重點。 而且仲未講過阿sir好有心機，我好少見啲興趣班嘅教練真係咁好心機教小朋友，因為我見開啲兒童劍擊班嘅教練，一係就係魔鬼教練，操到小朋友都唔想上堂，驚咗上堂。一係就鎮壓唔到啲小朋友，上堂就變咗玩遊戲咁樣。 劍擊Formula兒童劍擊班嗰個天sir，佢勁就勁在可以同啲小朋友玩得好埋，但係啲小朋友上佢嘅兒童劍擊班嗰陣時又好專心好乖。 點解我會覺得劍擊Formula兒童劍擊班嗰個天sir對小朋友好好心機？因為嗰時天sir要交小鮮肉去做劍擊嘅步法，咁小朋友唔識點樣做，天sir為咗教佢，直情放隻手喺地下，叫個小朋友踩落去隻手度，話嗰個位置先係隻腳應該要企嘅位置。 你以為咁樣好普通好正常？嗰時我帶小鮮肉去上其他嘅兒童劍擊班嘅時候，就見過一個魔鬼教練，個小朋友腳企錯咗位置，做唔好劍擊嘅步法，嗰個魔鬼教練一手拎起小朋友隻腳，搞到小朋友失平衡跌低咗，我仲要見咗唔止一次添。 所以見到劍擊Formula兒童劍擊班嗰個天sir真係唔介意整污糟自己隻手去教小鮮肉，我就覺得佢真係好好心機好有心。 不過要係劍擊Formula報名兒童劍擊班真係有啲難，話說嗰時小鮮肉要考試同埋暑假去旅行，停咗大約三四個月練習，之後返到嚟香港想同天sir約時間上堂嘅時候，嗰啲啱我哋嘅上堂時間已經畀人預約曬，如果想要我哋合適嘅時間，要排期排到半年之後，所以如果真係想去報劍擊Formula兒童劍擊班，真係要早啲去報名。 劍擊Formula網頁: https://www.fencingformula.com/第二名：香港劍擊學校 劍擊學校係一間好大嘅劍擊學校，佢哋大到甚至有兩間分校㖭，所以真係好方便好就腳。 佢嘅教練團隊非常強大，有好多唔同嘅劍擊教練，如果你想小朋友學好普通話嘅話，香港劍擊學校就啱喇，佢嗰度有好多大陸嘅教練，仲要好多都喺大陸打比賽攞獎嘅！如果覺得地方方便係優先選擇嘅家長，我會覺得香港劍擊學校都可以諗下，因為無論你住九龍定係香港佢都有分店。 而且佢仲會成日搞好多唔同嘅比賽，等啲學生可以同唔同地方嚟報名嘅同學互相切磋。 第三名：劍擊運動學院 劍擊運動學院係一間好老字號嘅劍擊中心，佢甚至有3歲至18歲以上嘅人都可以報名參加佢嘅劍擊班，無論你想學花劍重劍定係佩劍佢都會有教你。 而且佢哋嘅教練都好後生好年輕，所以可以好容易咁同小朋友打成一片，而且場地都唔細，同時可以容納幾個唔同嘅兒童劍擊班一齊上堂，個氣氛相當熱鬧。 而且嗰度有好多器材可以購買，如果你需要買劍擊裝備嘅話，去嗰度買係一個好好嘅選擇！ 第四名：劍擊學堂 劍擊學堂經常有免費試堂，所以如果你想參加兒童劍擊班比自己小朋友試下，又唔知自己小朋友係咪真係鍾意，絕對可以去嘗試嘗下佢嘅免費試堂，而且有陣時想去嘅堂仲有嘢送㖭！ 佢嗰度嘅兒童劍擊班都係有好多人，有時你會見到20個人以上喺同一個場地出現，呢個都係好正常嘅事情。 佢嘅教練都係好多，場地都係好大，但係最緊要真係有嘢餸同埋有得免費試堂就係一個好大好大嘅重點。 如何選擇兒童劍擊班：雖然淨係講咗4間唔同嘅兒童劍擊班，但係其實小鮮肉仲試咗好多間唔同嘅兒童劍擊班，只不過我一路寫嘅時候真係要寫越攰所以寫到呢度暫時停筆，之後再有時間我會同大家講得更加深入同埋更加詳細，今次就寫住呢度先。 但係大家亦都可以根據自己唔同嘅要求去揀出適合自己嘅兒童劍擊班，例如價錢、交通方便之類等等，因為有時候交通方便或者價錢平嘅，但係上堂嘅質素可能就冇咁高。 你諗下邊有咁大隻蛤乸隨街跳，又平質素又好，講畀你聽都唔信啦！ 所以如果你要揀一個真係比較專業嘅兒童劍擊班，咁就可能需要接受佢嘅價錢比較高，或者未必開喺你屋企附近。 好，今日就係分享嚟到呢度先，希望大家都搵到一個啱自己嘅兒童劍擊班！
