Colour Con款式多! 有放大眼，亦有bling bling眼效果! 已經唔單止係幫眼睛轉顏色咁簡單... 市面上有各式各樣colour con, 有時會諗, 唔知上眼效果 同廣告啲相會唔會有出入呢? ＠＠ 戴上眼會唔會太誇張? 會唔會唔明顯? 於是我地3個一齊「親眼上陣」試足10款！ 而家就分享下我地colour con上眼報告! ＊如果有興趣購入con歡迎inbox/direct我地，我地買開嘅網店款色多 價錢亦比市價低唔少!!＊ Lacelle 1 day - Colour Con系列 - 朗銅 (直徑14.0mm) 膽粗粗試下由Janice Man代言嘅Lacelle朗銅色! 睇落好似係粉紅色, 上眼就真係變返銅啡色啦 喺光嘅地方都會隱隱約約見到粉紅色! 外面有黑色邊~ 所以大眼效果都唔錯 大眼 **** (5粒*為滿分) 出色 ***** 水潤 **** 試埋另一隻Lacelle 1 day - Diamond系列 - 粉紅 (直徑14.0mm) 呢隻就咁睇花紋好靚～上眼效果亦幾sharp！但其實似紅啡色～(襯番我啡紅嘅髮色^_^) 影相出黎算幾自然！比起朗銅無禁顯粉紅色～ 大眼 **** (5粒*為滿分) 出色 **** 水潤 **** 之後試Lacelle 二重色大眼Con系列 - 醉金 (直徑14.2mm) 應該係Lacelle最啡嘅顏色~ 顏色效果都唔錯！雖然無想像中咁啡~ 話明係大眼con系列, 放大效果一流XD 大眼 ***** (5粒*為滿分) 出色 **** 水潤 **** Lacelle 1 day - 特大眼CON系列 - 彩銅 Twinkling Bronze (直徑 14.2) 另外，Lacelle 仲有推出特大眼CON系列，今次我就試左Twinkling Bronze彩銅！ 初初有D擔心，雖然話朗銅但望落去有D似紅色，仲擔心會唔會太誇張， 結果戴上後其實比較似咖啡色，雖然唔算係最自然嘅彩色con，但眼睛望落去會好有神～ 而且放大效果一流！DIA 14.2喔！ 點擊圖片放大 即使遠距離自拍 仲係睇到清楚嘅瞳孔放大效果～ 大眼 ***** (5粒*為滿分) 出色 **** 水潤 **** 1 Day Fairy Princess - Brown (直徑 14.0mm) 呢款雖然話係啡色～但上眼後我覺得呈金啡色，而且效果非常有神，係私心推嘅一款！*0* 俾個close up大家睇XD 周圍有黑邊～放大效果好好！呢款仲有紫/綠/粉紅色 最適合大時大節影相啦！ 大眼 ***** (5粒*為滿分) 出色 ***** 水潤 *** 1 Day Acuvue Define - Natural Shine (直徑12.7mm) 係我比較常用嘅Colour Con 因為佢真係好舒服~好補濕! 1 Day Acuvue Define 走比較自然嘅路線, 所以放大效果同出色方面可能無咁明顯 如果你追求自然同舒適, 呢個一定係首選! (返工素顏恩物! 戴足一日都唔攰~) 大眼 *** (5粒*為滿分) 出色 *** 水潤 ***** 1 Day Acuvue Define - Vivid Brown (直徑12.8mm) Mickie平時就戴呢隻~全啡襯番髮色！ 其實出黎效果同Natural Shine差唔多～但少左外面嘅黑圈 所以感覺更啡更自然～ 大眼 *** (5粒*為滿分) 出色 *** 水潤 ***** (My同Mickie一致認為1 Day Acuvue Define係最保濕嘅^0^) 1 Day Acuvue Define - 顏色：Radiant Charm (直徑12.7mm) 一直係1 Day Acuvue Define嘅大粉, 出新顏色當然要第一時間試! 驟眼睇，同上面嘅Natural Shine好似分別不大XD 唔同嘅係，Radiant Charm嘅花紋再細緻啲!! 更加bling bling~ 上眼效果同上面嘅Natural Shine差不多~ 自然得嚟又bling bling 最緊要...真似好舒適 >~< 大眼 *** (5粒*為滿分) 出色 *** 水潤 ***** 1 Day FreshKon - Blushing Violet (直徑14.2mm) 點擊圖片放大 呢隻FreshKon嘅Blushing Violet DIA有14.2，屬於加大效果非常明顯嘅大眼Con！ 不過可能因為太大，平時唔係戴開呢個size嘅話需要少少時間適應！ 好鍾意隻色，紫得黎又有少少灰～非常有層次感 不過戴呢款就一定建議要化埋個全妝先襯托得靚，如果素顏戴就太誇張喇～ 大眼 ***** (5粒*為滿分) 出色 ***** 水潤 *** 2 Weeks CLB Coslens - Black (直徑14mm) 呢款CLB Coslens雖然DIA係14，但感覺同14.2無咩差別，放大效果非常明顯！ 可能因為隻色比較實啦～其實我好少帶黑色黑con，因為比較鍾意戴咖啡色 但黑色都叫幾自然！戴左之後對眼感覺望落去圓左，好犀利！ 大眼 ***** (5粒*為滿分) 出色 *** 水潤 ** 2 Weeks CLB Coslens - Brown (直徑14mm) 試完黑色試埋啡色～呢隻放大效果真係幾明顯！ 但又唔會誇張到要襯濃妝（呢張我連眼線都無畫～就咁戴con搽base番工都夠哂精神！） 俾多張個樣正常少少嘅你地睇XD 如果大家係想素顏出街但有怕無精神不妨試呢款～ 花紋真係好靚! 又好出色, 幾遠都見到係啡色~ 大眼 ***** (5粒*為滿分) 出色 **** 水潤 *** 今次就分享住禁多先！希望大家會鍾意～ ＊如果有興趣購入con歡迎inbox/direct我地，我地買開嘅網店款色多 價錢亦比市價低唔少!!＊
