https://sarahthefreespirit.wordpress.com/ 柬埔寨是個悲傷的國度，路上行人散發出淡淡的哀傷，彷彿告訴我們，這是個充滿苦難的地方。 這趟旅程中到訪了兩個特別深刻的集中營，紀念40年前的赤柬大屠殺，全國五分一人口被迫害致死。大屠殺在歷年來多個國家也曾發生過，但在已經踏入文明社會的二十世紀，依然發生這麼殘忍血腥的事，實在令人非常心酸。 [下面開始遊記，用番廣東話打] The Killing Field 與其話係集中營博物館，不如話係一個紀念公園，入面劃分咗多個區域，有d介紹當時赤柬歷史，有d會擺咗當年死者嘅頭骨、衫同佢地嘅遺物。雖然呢屬於死者嘅野擺放喺開放嘅位，但係嚟呢度參觀嘅遊客都會好尊重死者，唔會亂搞佢地嘅野。 The Killing Field 入口 （呢個係唔關事嘅椰子樹，只係行過抬頭見到幾靚就影低咗） 呢度係一個欄杆，欄杆係為主一個沙池，象徵死者被埋喺入面，欄杆上面d手繩係紀念死者嘅，希望佢地可以安息。 個公園仲有一個好大嘅湖，因為每個遊客都會有一部比你聽導賞嘅機，大家都係各自聽住果段咁傷感嘅歷史，一路圍住個湖咁行，又會有另一種感覺。 呢個係一個堆滿咗頭骨嘅塔，係成個紀念公園嘅尾站，聽曬成段歷史之後喺一個咁狹窄嘅空間入面，個感覺喺非常震撼，傷心又帶點無奈嘅複雜情緒。 之後去咗一個叫Russian Market嘅地方，呢度係冇咩特別嘅，同普通東南亞地方嘅market係基本上一樣。 另一個好深刻嘅集中營係S21，一邊行一邊聽住導賞個錄音，都冇咩點影相。呢個集中營係一個學校，所以喺呢度服役嘅全部都係小朋友，睇住佢地嘅大頭相，同我地嘅學生相差唔多，但亦都係因為咁，又多咗一份傷感。 親身喺呢個學校入面行，又係好深刻，因為佢同我地嘅中學小學又係差唔多，但入面嘅班房就間曬好似監獄咁，諗係d小朋友咁細個就要入集中營，仲要喺學校入面嘅集中營，真係好諷刺。 班房出面嘅酒廊全部圍曬呢d網，驚d小朋友偷走。咁樣望出去好似困住咗個天空咁，小朋友明明係可以有美好嘅將來，可以飛到好遠，但就因為呢場大屠殺抹煞咗佢地嘅可能性。
