https://sarahthefreespirit.wordpress.com/ 今次同朋友一起喺大阪飛去福岡,點解會選擇搭飛機呢,唔搭新幹線呢? 經過我地一番research,原來搭飛機係會平過搭火車嘅⋯⋯ 我地搭Jetstar只係600幾蚊港幣,但新幹線就要千幾港幣! 所以窮人如我地就緊係選擇搭飛機啦 BTW 有興趣可以留意番成個travel diary: https://www.youtube.com/watch?v=W_tAqCylpBI Day 4 今日一早起身執埋個行李就去咗機場 大阪機場嘅food court係正嘅,聽講日本好多food court都好好食 :roll: 點解香港嗰啲咁頹 :-( 終於去到民宿,今次我地訂咗airbnb嘅房,房東Yumi好好,雖然見唔到佢,但有野問佢佢都好快覆,同埋佢有本guest book喺房,可以睇到之前喺度住過嘅人嘅留言,有種好特別嘅感覺lol 唔知之後有冇人睇到我地寫嘅野呢 補番條link: https://www.airbnb.com.hk/rooms/11349432 呢間房我地係好滿意,同佢個網上面嘅相一樣,最鐘意就係佢個閣樓仔,好似細個嗰陣啲秘密基地咁lol 呢晚我地出咗天神食100yan壽司 8-) 好正呀~日本嘅壽司店通常有得就咁喺條迴轉帶拎,又可以喺個screen點自己想要嘅野食,之後你嗰碟到嘅時候就會有音樂,然後迴轉帶就會有個兜係你嗰碟野(我形容得唔係幾好,你親身食過就明我講緊乜) 食完野就喺附近行咗陣,就番咗民宿了。 Day 5 今日去小倉同門司港,呢兩個地方喺北九州,由博多嗰邊搭過去要個幾鐘嘅時間。 其實有幾個方法去嘅,想快啲可以搭新幹線(車程十幾分鐘),但價錢就要貴一倍,3千幾yan 我地就搭咗JR鹿兒島本線(車程一個鐘多少少),只需要千幾yan 去到小倉城,冇揾過呢度有咩好食,所以就求其食咗個蛋包飯,不過不失啦 之後就行咗去小倉城,都係嗰句,日本差唔多每個城市都有一座差唔多嘅城,但又係幾靚嘅 係陽光呀,呢幾日天氣報告都話陰天有雨,點知比我地見到陽光 :D 嗯⋯⋯ 之後就去咗門司港,呢個地方係我成個旅程最驚喜同最鐘意嘅地方 <3 門司港係日本明治去到大正時期重要嘅國際貿易港,連接日本同中國、歐洲同其他亞洲地區嘅通道,亦都係本州同九州嘅交匯處 所以呢度有好多歐陸色嘅建築物,好靚好休閒嘅感覺 呢度本身有個鐵路博物館,但我地嚟遲咗了,佢已經閂咗門了so sad 呢度最出名嘅就係呢條音樂藍橋,以前因為要比啲船入去避風港,條橋每隔一個鐘就會開橋 宜加雖然冇船經過,但都仲會有開橋表演,每日開6次(我地去到已經5點幾所以過曬佢啲表演._.) 有冇發現個天好靚 :lol: 本身今朝仲有少少雨,但宜加竟然咁好天! 好多歐式建築物,呢個係圖書館,好似係 行咗去海邊,好靚呀!!呢種自由嘅感覺實在係超越咗文字所能形容 :D 晚餐食咗個咖喱,係幾好食,仲有個類似薯餅嘅野,都好好食 :D 食飯嗰陣仲見到出面有好靚嘅晚霞,食完出去就已經天黑啦 入黑後嘅門司港又有另一番風味 差唔多9點幾(好似係)我地就行番去車站搭番JR番民宿了 Day 6 因為前一日太早起身(其實係9點幾) 所以今日就打算瞓到自然醒,之後12點起身食咗個杯飯(呢個係前一晚去超市買嘅,類似叮飯咁) 今日落雨,所以主要都係去室內行下街,就去咗天神 但天神地下街冇乜特別野行,所以就上地面睇下 之後睇google map發現之前save低咗有個gallery喺附近,就決定去睇下 點擊圖片放大 呢個gallery叫 ArtSpace Baku,係一個小小嘅展覽廳,隔離有個好有特色嘅cafe (唔記得影間cafe,想睇可以睇番條片) 呢間野係一對公公婆婆開嘅 個公公過嚟同我地分享Baku係一種日本傳說動物,可以食咗人嘅噩夢 (但我地聽唔明佢啲日文,所以在此特別鳴謝隔離檯嘅姐姐幫手翻譯) 之後就去咗博多運河城,呢個商場好大,大到我地係咁蕩失路-_- 行咗陣就去咗有一層成層都係食博多拉麵嘅,叫拉麵競技場 旅遊書話好多人又好推薦咁,但實際上係唔多人,而且個人覺得唔算特別好味 之後都係博多運河城食咗個雪糕 走嗰陣我地見天氣報告話9點就停雨,所以諗住9點幾先走 點知佢個巴士已經過咗尾班,哼 所以我地就行咗幾個字去博多站搭車番民宿了 沿途仲見到落完雨個啲濕濕地反射到啲光,覺得幾靚 Day 7 今日去咗能古島,又係距離市中心比較遠嘅地方,由博多去要成個鐘,但非常值得去 呢個島一年四季都有花睇,我地5月尾去就有繡球花睇,成個花海好壯觀! 鍾意影相嘅人一定會鍾意嚟呢度:) 呢度除咗有花花草草,仲有羊、兔呢啲小動物 行玩能古島之後就去咗附近嘅outlet Marinoa City行街,但呢度大部分都係日本牌子,而且唔算特別平,所以都唔係買咗好多野 雖然呢度唔係好多野啱行,但成個mall個環境係非常之靚,好似去咗外國啲小鎮咁,仲有個摩天輪喺隔離 夜晚就去番天神嗰邊食九州最出名嘅明太子 呢間係元祖博多明太子,係福岡第一間專門提供明太子料理嘅餐廳,係就係貴少少,每人食咗百幾蚊,但因為今日係我朋友嘅生日,所以食好少少啦~ 但我個人唔太喜歡明太子嗰種口感,覺得怪怪地 不過呢度嘅店員好好,佢地會親手寫張單比客人,佢地知道我地係遊客,所以用英文寫比我低:)重點係,佢地幾靚仔:P 之後食完就番番民宿執行李啦,因為第二日就要走啦 Day 8 今日係最後一日,喺天神食咗呢間肉肉烏冬,幾好食,個未好似牛腩河,但唔係河粉係烏冬:) 食完野番番民宿拎行李就去機場啦 我朋友就番番大阪,我就自己番香港了 完~