https://sarahthefreespirit.wordpress.com/ 今次係第一次自己一個搭飛機,感覺好特別。 點解會選擇去大阪同福岡呢?明明呢兩個地方係一啲都唔近嘅。 其實係因為我個朋友喺大阪exchange,所以可以住佢個hall,但又唔想大阪京都奈良咁玩,因為實在太熱門,想去下啲少人去啲嘅地方,一次好隨意咁話不如去九州啦,咁就決定咗去福岡了。 由於我嘅朋友係要番學嘅關係,頭幾日喺大阪主要都係我自己一個周圍行。 BTW今次去完拍咗條片,有興趣可以留意番:https://www.youtube.com/watch?v=W_tAqCylpBI 好 X 咁宜加正式開始遊記啦。 DAY 1 到咗大阪機場,喺巴士站買飛,就可以搭機場巴士。佢有部機係自主買飛嘅,我研究緊部機嘅時候,隔離就有個伯伯職員教我用,雖然聽唔明佢啲日文,但都好順利咁買到飛:) 等車係日本最晒時間嘅野,佢地啲車真係好耐先一班。 行做一段好長好長嘅路,終於到咗朋友嘅hall,本身想喺車站食埋飯先,但嗰邊好似冇乜野食,就決定求其買咗個便當番去食。唔知係咪好肚餓嘅關係,我覺得呢個飯都唔差呀。 DAY 2 今日起身已經12點幾,等我個朋友上完堂番嚟同我食個lunch。我地行咗半個鐘先到地鐵站,喺附近食松屋,喺高級版嘅吉野家,都幾好食,同埋好平,20蚊左右成個餐:D 食完野佢就番去做功課,我就自己出去行下。 挑戰搭大阪嘅地鐵,Google map就變咗我嘅好朋友,有咗佢我就好成功咁揾到路了。但日本嘅地鐵都真係幾難搭,因為佢有好多間鐵路公司,成日要轉嚟轉去,好麻煩,睇錯少少都會釀成大錯。 其實跟住啲人行,就可以揾到點轉車 :lol: 成功比我揾到大阪城,係幾靚,但聽講日本每個城市都有一座咁上下嘅建築物。呢度係旅遊區,好多好多人,所以影咗幾張相就走咗了。 之後就去咗道頓崛、心齋橋嗰邊。 其實都係行街買野咁,結果買咗一大堆衫 :roll: 夜晚就去咗一蘭食拉麵,好好食,同埋自己一個去食都唔會覺得尷尬,哈哈。 DAY 3 今日去咗中崎町,呢個係大阪入面我最鍾意嘅地方,係一個比較文青嘅地方,全部都係一啲創意小店同cafe,好有特色。呢個舊區喺梅田附近,行10分鐘左右就過到去,非常方便。 今日又係12點幾先起身,出到嚟都點幾鐘,見到呢間cafe好靚,就入咗去食。 呢間野叫cafe muni,有興趣可以留意番佢ig:@cafemuni 佢好似的兩個餐有圖,喺睇唔明日文嘅情況下,我就指咗呢個餐,係個長通粉,有啲菜、煙肉、南瓜咁,都唔錯。 喺呢個舊區行咗大半日,之後就行番去梅田嗰邊。雖然只係相隔幾條街,但成個感覺已經好唔同,梅田比較多高檔少少嘅商場,都係啲大牌子同連鎖店,一路行一路等我個朋友出嚟同我食晚飯。 我地冇search過呢邊有咩好食,所以就行咗去啲食街,求其入咗去間食燒肉嘅餐廳,佢有少少似居酒屋嘅形式,個侍應幾靚仔 :-D 食完之後行咗個圈就番番hall,因為之後嗰日就要飛去福岡,所以早啲番去執行李。 咁就完咗喺大阪嘅旅程了 :-|